දසුන්ගේ ජීවිතයේ අමතක නොවන දවස් අතරට තව දවසක් පහුගිය දවසක එකතු වුණා නේද?

ඔව් ගිය මාසේ පැවැත්වුණු Hiru Golden Film Awards 2018 සම්මාන උළෙලේ හොඳම නළුවාට හිමි සම්මානය මට ලැබුණා. මේක ලැබුණේ සයපෙති කුසුම (ෆ්‍රැන්ජිපානි) කියන ෆිල්ම් එකට.

මේ ආපු ගමන ගැන ආයෙත් කථා කරන්න මේක තමයි හොඳම වෙලාව ?

මෙහෙමයි. මං පොඩි කාලේ ඉඳලම කළේ ඩාන්සින්. ඉතින් ඩාන්සින් එක්ක එකතු වුණු ඇක්ටින් එහෙම ඉස්කෝලේ කාලේ කළා. ඔහොම ඉන්නකොට ඕලෙවල් වලින් පස්සේ මට හරි ටාගට් එකක් තිබුණේ නෑ මොකක්ද කරන්නේ කියලා. හරියටම කිව්වොත් ආතක් පාතක් නැතුව හිටියේ. මේ කාලේදි තමයි මිල්ලේ සොයා ෆිල්ම් එක එහෙම බලලා මහේන්ද්‍ර අයියාගේ ඇක්ටින්වලට පිස්සු වැටිලා හිටියේ. ඉතින් දවසක් මං දැක්කා මහේන්ද්‍ර අයියගේ Workshop එකක් තියෙනවා කියලා. ඉතින් මං ඒකට සම්බන්ධ වුණා. ඒ පටන් ගත්ත ගමන තමයි තාම මේ යන්නේ

ඒ ගමනේ කරපු පළවෙනි ඩ්‍රාමා එක මතකද?

මොකද මතක නැත්තෙ? මං ඩ්‍රාමා එකක පළවෙනියට දෙබසක් කිව්වේ රොෂාන් රවීන්ද්‍රගේ “රස්තියාදුකාරයා” කියන ඩ්‍රාමා එකේ

දසුන් සැබෑ ජීවිතේදීත් රස්තියාදුකාරයෙක් නේද?

ඔව් මං ඉස්සර ඉඳලම රස්තියාදු ගහනවා. දැන් කලාවේ රස්තියාදු ගහනවා.

රස්තියාදුව නිසා ලැබුණු දේවලුත් ගොඩයි නේද?

ඔව්. රස්තියාදු ගහපු නිසා තමයි මං සමාජයේ ඉන්න එක එක චරිත හඳුන ගත්තේ. මට විවිධ විවිධ අය හම්බුණා. ඉතින් ඒ ලබපු අත්දැකීම්වලින් තමයි මං මට ලැබෙන චරිතය ජීවත් කරවන්නේ. ඉතින් රස්තියාදුවෙන් ලැබෙන සමාජ දැනුමට මං කැමතියි.

සමාජ දැනුම වැදගත්ද රගපාන්න?

අනිවාර්යෙන්ම. අපි රගපාන්නේ සමාජයේ ඉන්න තවත් චරිතයක් නම් ඒකට අදාල වටපිටාව හදාගන්න ඒ ඒ චරිතයට අදාල සමාජ දැනුම අනිවාර්යෙන්ම ඕන.

එතකොට රගපාන්න ආසාව විතරක් මදි කියලද දසුන් කියන්නේ

දැන් මෙහෙමනේ. කාට හරි Accountant කෙනෙක් වෙන්න ආසයි කිව්වම කම්පැනි එකකින් එන්න කියලා Accountant Post එකක් දෙන්නේ නෑනේ. ඒකට අවශ්‍ය දැනුම එයාට තියෙන්න ඕන. කලාවත් ඒ වගේ ආස වුණාට බෑ ඒකට අවශ්‍ය දැනුමත් තියෙන්න ඕන.

දසුන් මේ දැනුම ගන්න කාපු කට්ට ගැන අද මොකද හිතෙන්නේ?

ඇත්තටම එදා මට ඒ කට්ට කන්න වුණු එක ගැන මං අද ගොඩක් සතුටු වෙනවා

ඇයි එහෙම කියන්නේ?

මෙහෙමනේ… ඒ කාලේ workshop එකකට ආපු හැමෝම ආවේ නලුවෙක් හරි නිළියෙක් හරි වෙන්න. ඉතින් තරගෙත් වැඩියි. ඒ වගේම ලස්සන පෙනුම තියෙන අයට ඉක්මනටම චාන්ස් එකක් එනවා ෆීල්ඞ් එකට එන්න. ඉතින් මගේ පෙනුමට මට වැඩ ලැබුණේ නෑ. ඉතින් මට තව තව workshop වල ඉන්න වුණා. ඒකෙන් මට තව තව දැනුම ලැබුණා.

වැඩ ලැබෙන්නේ නැති වෙනකොට මේක අතෑරලා දාන්න ඕන කියලා හිතුණේ නැද්ද?

කවදාවත් නෑ. මේක තනියම ගහපු ගේම් එකක් නෙමෙයි. අපි සෙට් එකක් හිටියා. මේ සෙට් එක තමයි එකට නාට්ටි බලන්නේ. ෆිල්ම්ස් බලන්නේ. ඉතින් මේ සෙට් එකම එන්නේ අපි අපිම කරපු වැඩවලින් තමයි.

ඒ දේවල් ලැබෙනකොට නැතිවෙලා ගිය දේවලුත් ඇති?

නැතිවුණ ඒවා ගොඩයි. මට ගෙදර අය එක්ක ඉන්න තිබුණු කාලේ නැති වුණා. මගේ ගමේ යා`ඵවෝ අතෑරුණා. හිටපු ගර්ල් ෆ්‍රෙන්ඞ්ස්ලා පවා නැති වුණා.

හැබැයි එක දෙයක් නැති වුණේ නෑ නේ?

ඔව් ඒ තමයි මගේ ටාගට් එක. ඉතින් අද මං මගේ ටාගට් එකේ ඉන්නවා.

මේ වෙනකොට ෆිල්ම් කීයක් කරලා තියෙනවද?

06 ක් 07 ක් විතර

වැඩිපුරම කැමති ෆිල්ම් ද? ටෙලිඩ්‍රාමා ද?

දෙකටම කැමතියි. ප්‍රේක්‍ෂකයන් අතරට යන්න තියෙන ඕනම විදියකට මං කැමතියි. ඒක ෆිල්ම් එකක් ටෙලි ඩ්‍රාමා එකක් එහෙම නැත්නම් වෙබ් ඩ්‍රාමා එකක් වෙන්නත් පු`ඵවන්.

සුපුන් රත්නායකගේ හැම නාට්ටියකටම දසුන් ඉන්නවා නේද?

ඒක හරි. හැමෝම අහනවත් එක්ක ඒක. සුපුන් කියන විදියම නම් එයාට කතාව ලියනකොටම ඔළුවට එන්නේ මාවලු. ඉතින් මං ඒ චරිතේ සුපුන්ගේ ඔළුවෙ තියෙන විදියටම කරනවත්ලු.

ඒ නිසා ඉස්සරහට තව දෙයක් වෙනවලු නේද?

ඔව් සුපුන්ගේ ඊළඟ ඩ්‍රාමා එකෙත් ඉන්නේ මමයි ශලිනියි

දසුන් එක්ක රගපාපු අය අතරින් කැමතිම නිළිය කවුද කියලා ඇහුවොත්

සමනලී ෆොන්සේකා

ජීවිතය වෙනස් කරපු චරිතය මොකක්ද?

දෙක තුනක් තියෙනවා. ආනන්ද අබේනායකගේ “අහසින් වැටුණා” කියන ටෙලිඩ්‍රාමා එකේ චරිතය සහ සයපෙති කුසුම (ෆ්‍රැන්ජිපානි) ෆිල්ම් එකේ චරිතය.

දසුන් හොඳ නළුවෙක් කියලා දැන් හැමෝම දන්නවානේ හැබැයි තාම හොඳ නැට්ටුවෙක් කියලා පෙන්නන්න අවස්ථාවක් ලැබුණේ නෑ නේද?

ඔව්. තාම එහෙම චරිතයක් නම් ලැබුණේ නෑ. එහෙම චාන්ස් එකක් ලැබෙනවා නම් මරු.

ඉතින් ඇයි රියැලිටි වැඩසටහනකට ගියේ නැත්තේ?

මට ලැජ්ජයි SMS ඉල්ලන්න. හරියට ඡන්ද කැම්පේන් කරනවා වගේ SMS ඉල්ලන එක මට හිතෙන විදියට එච්චර ලස්සන දෙයක් නෙමෙයි.

දසුන් රැඩිකල් ද?

අනේ නෑ. මං මගේ ලයිෆ් එක එන්ජෝයි කරනවා එච්චරයි. මං සිස්ටම් වෙනස් කරන්න යන්නේ නෑ. මගේ විදියට ජීවත් වෙනවා. මගේ ලයිෆ් එක ගැන මං තීරණය කරනවා.

එහෙම ගත්ත තීරණයක් ගැන පහුගිය දවස්වල ලොකුවට කථා කෙරුණා නේද?

ඔව් ඔව්. මං බඳින්නේ නැතුව තාත්තා කෙනෙක් වුණ එක නේ. මෙහෙමයි බඳිනවා කියන එක ලියවිල්ලක් වුණු ෆැමිලීස් කොච්චර තියෙනවද? රටට පේන්න ණය වෙලා වෙඩින් අරන් දැන් විඳවන අය කොච්චර ඉන්නවද? මගේ තියරි එක මේකයි. තමන් එක්ක ඉන්න ගෑණි හරි මිනිහා හරි ඉන්නවා නම් ඉන්නවා. යනවා නම් මොන ලියවිලි තිබ්බත් යනවා. ඒ වගේම ඉන්න බැරි නම් යන්න අයිතියකුත් තියෙනවා. ඉතින් මට බඳින්න ඕන වුණේ නෑ. ඒත් මට තාත්තා කෙනෙක් වෙන්න ඕන වුණා. ඒකට මගේ ගර්ල් කැමති වුණා. ඉතින් අපි දෙන්නා කළා.

ඉතින් එක පාරටම තාත්තා කෙනෙක් වෙන්න හිතුණේ ඇයි?

මං “තාත්තා” කියන නාට්ටියේ රගපෑවා නේ. ඒක තාත්තා කෙනෙක්ගේ ආදරය ගැන තියෙන සංවේදී කථාවක්. මේක කරනකොට මට හිතුණා ඇත්තටම තාත්තා කෙනෙක්ගේ හැඟීම් මොන වගේද කියලා. ඉතින් මට ඕන වුණා ඒ මට දැණුන හැඟීම ඇත්තටම විඳින්න. ඉතින් දැන් මං තාත්තා කෙනෙක්.

දුවලා දෙන්නෙක්ගේ ආදරණීය තාත්තා කෙනෙක්?

ඔව් මං දුවලට තමයි ගොඩක් ආදරේ. පළවෙනියත් දුවෙක්. දෙවෙනියට හම්බෙන්න ඉන්නෙත් දුවෙක්.

දූලා දෙන්නාගේ අම්මාගෙන් ලැබෙන සහයෝගය කොහොමද?

එයා තමයි හංසි දිසානායක. එයාගෙන් තරම් සහයෝගයක් මට වෙන කෙනෙක්ගෙන් ලැබෙන්නේ නෑ. මං ගන්න හැම තීරණයකම එයා මට ලොකු ශක්තියක් වෙනවා. ඉතින් එයා මගේ දරුවන්ගේ අම්මා වුණු එක තමයි මට ලැබුණු වටිනම දේ

හැමෝටම ප්‍රශ්නයක් වුණු ඒකත් අන්තිමට විසඳුණා නේද?

ඔව්… ඔව්… හංසියි මමයි විවාහ වුණා. දුවව රට අරන් යද්දි අපි දෙන්නාගේ විවාහ සහතිකය අවශ්‍ය වෙනවා ඒ නිසා අපි දෙන්නා විවාහ වුණා.

ඉතින් අන්තිමට දසුන්ට කැමති දෙයක් කියන්න පුළුවන්

මං හැමෝටම කියන්නේ අපි ජීවත් වෙන්නේ හරිම ටික කාලයයි. ඉතින් ඉන්න ටිකේ අනුන්ට කරදරයක් නැතුව සතුටින් ජීවත් වෙන්න. ජීවිතය විඳවන්නේ නැතුව විඳින්න

කවරයේ ඡායරූපයේ අනුග්‍රහය – D ArTz Photography

ඔබ වැනිම රසිකත්වය ප්‍රිය කරන තවත් කෙනෙකුගේ රසවින්දනය සඳහා පහත ඇති මාධ්‍ය ඔස්සේ මෙම ලිපිය ෂෙයා කිරීමට අමතක නොකරන්න.

The post එයා මගේ දරුවන්ගේ අම්මා වුණු එක තමයි මට ලැබුණු වටිනම දේ – දසුන් appeared first on familylife.

මේ ආකාශ් ද? නුවන් ද?

දෙන්නම මම තමයි. නුවන් ප්‍රේමතිලක කියන්නේ මගේ ඇත්ත නම එතකොට ආකාශ් කියන්නේ මගේ රේඩියෝ නම

කවුද මේ ආකාශ් කියන නම දැම්මේ

ඒක වුණේ මෙහෙමයි. 2002 දී තමයි මම වෘත්තීය වශයෙන් රේඩියෝ එකට එන්නේ. ඒ, ෂා එෆ් එම් එකට. ඒ චැනල් එකේ විදියට ඇත්ත නම්වලින් නෙමෙයි නිවේදකයෝ ඉන්නේ. මේ කාලේ වෙනකොට මේක ලංකාවට ටිකක් අලුත් දෙයක්. විශේෂයෙන්ම සිංහල රේඩියෝ චැනල්වල. ඉතින් එදා මං මගේ රේඩියෝ ජීවිතේ පටන් ගත්තේ ආකාශ් නමින්. අදත් තාම රේඩියෝ එකට මම ආකාශ්

ආකාශ් කියන නම ආවේ ඉන්දියාවෙන්ලු නේද?

ඔව් ඔව්… ෂා එෆ් එම් එකේදි අපි දිල් චාතා හේ ෆිල්ම් එක බල බල හිටියා. ඒකේ ඉන්නවා නේ අකාශ් කියන චරිතයක්. ඔන්න එතකොට තමයි මාෂි කිව්වේ මට ගැළපෙන නම ආකාශ් කියලා. ඉතින් අන්තිමට සුබ නැකැත් ඝන මොකුත් නැතුව මගේ නම ආකාශ් වුණා

දැන් ආකාශ් වෙලා කොච්චර කල් වෙනවද?

මගේ රේඩියෝ ජීවිතේට හරියටම අවුරුදු 16 යි මාස 04 යි දවස් 14 ක් වෙනවා

කොහොමද මෙතනට එන්න කාපු කට්ට?

ඉස්සර අපි පුහුණුවන නිවේදකයන් විදිහටනෙ පටන් ගන්නේ. එතකොට මුලින්ම දෙන්නේ ඕවර් නයිට් ඒවා. හැබැයි ඉතින් ප්‍රෝග්‍රෑම් එකක් ලැබෙන්නේ නෑ. අපි ඉතින් ඉස්සර ට්‍රැවලින් බෑග් එකකට ඇඳුම් දාගෙන දවස් දෙක තුන රේඩියෝ ස්ටේෂන් එකට වෙලා ඉන්නවා. මට මතකයි මට මාස 9 ක් විතර සැලරි එකක් ලැබුණෙත් නෑ

එහෙම හිටියට වැරදුණෙත් නෑ නේද?

ඔව් ඔව් ඔහොම ඉඳලා මට ලැබුණා ගුඞ් මෝර්නින්ග් ෂා වැඩසටහන කරන්න.

ඒ ගැන කථා කරනකොට අකාශ්ට කියන්න විශේෂ දෙයක් තියෙනවා කිව්වානේ

ඔව් මම ගුඞ් මෝර්නින්ග් ෂා කළේ වසන්ත කරුණාරත්න අයියා (කැප්ටන් ෂා කියලා තමයි හැමෝම දන්නේ) එක්ක. ඉතින් වසන්ත අයියා තමයි මගේ වෘත්තීය රේඩියෝ ජීවිතේ ගුරුවරයා. වසන්ත අයියාගෙන් මං ඉගෙන ගත්ත දේවල්වල වටිනාකම නම් කියලා ඉවර කරන්න බෑ. වසන්ත අයියා කියන්නේ ඇවිදින පුස්තකාලයක් වගේ

මේ අවුරුදු ගාණට කරපු වැඩසටහන්වලින් ආසම වැඩසටහන මොකක්ද?

ආයුබෝවන් ශ්‍රී සහ රස අරුණෝදය.

ජීවිතේට බද්ධ වුණු රේඩියෝ චැනල් එක මොකක්ද?

මම රේඩියෝ චැනල් 6 ක හිටියා. ඒ අතරින් මගේ හොඳම කාලේ හිටියේ ශ්‍රී එෆ් එම් එකේ. අවුරුදු 11 ක් හිටියා. ඉතින් මගේ ජීවිතේට බැඳුණු චැනල් එක ශ්‍රී එෆ් එම් තමයි

මොකක්ද මේ ටාසන් බාප්පා එක්ක තියෙන සම්බන්ධෙ?

ටාසන් බාප්පා කියන්නේ අපි 04 දෙනෙක් එකතු වෙලා කරන රේඩියෝ වැඩසටහනක්. ඒකේ ටාසන් බාප්පා කරන්නේ චතුර විජේරත්න. සංගීත පැත්ත බලන්නේ දුලිප් සුරේෂ්. නිශ්පාදනය කරන්නේ කොඩිතුවක්කු. මං තමයි වැඩසහන මෙහෙයවන්නේ.

ටාසන් බාප්පත් එක්ක සම්බන්ධ වෙලා දැන් කොච්චර කල්ද?

මම සම්බන්ධ වෙලා අවුරුදු 10 ක් වෙනවා.

දැන් කොහෙද මේ ටාසන් බාප්පා ඇතුලු කණ්ඩායම ඉන්නේ

දැන් ඉන්නේ ලක්හඬ රේඩියෝ චැනල් එකේ. හවස 04 ඉඳන් 6 වෙනකන්. 93.5 සහ 93.7 න් ටාසන් බාප්පා අහන්න පුළුවන්

කවුද හම්බවෙලා තියෙන හොඳම සහාය නිවේදකයා

මට හම්බුණු හොඳම කෙනා තමයි චතුර (ටාසන් බාප්පා). අපි දෙන්නට දෙන්නා දන්නවා අපි දෙන්නා ඊ ළඟට කියන්න යන්නේ මොකක්ද කියලා. ඉතින් වැසටහන හරිම ලස්සනට ගලාගෙන යනවා.

රේඩියෝ ජීවිතේ වුණු අමතක නොවන කථාවක් කියන්නකෝ?

ඉස්සර ශ්‍රී එකේ ඉන්නකොට අපි යනවා අපේ චැනල් එක අහන රසිකයෙක්ගේ ගමට. ඒ ගිහින් එයාලා එක්ක කාලේ ගත කරලා අපි පොඩි රිසර්ච් එක්ක කරනවා. ඔන්න මට මතක විදියට අපි ගියා අම්පාර පැත්තට. ඒ කාලේ මං කළේ හවස ප්‍රෝග්‍රැම් එක. ඉතින් ගමේ හැමෝම ආකාශ් එනවා කියලා බලන්න ඇවිත් හිටියා. අපිව හොඳට පිළිගත්තා. දැන් හයියෙන් රේඩියෝ එකත් දාලා තියෙන්නේ ගමටම ඇහෙන්න. ඔන්න දැන් හවස රේඩියෝ එක යනවා මගේ ප්‍රෝග්‍රෑම් එක. අපි ඒක කලින් රෙකෝඞ් කරලා ආවේ. දැන් රේඩියෝ එකේ ආකාශ් කථා කරනවා. ඔන්න ගමේ මිනිස්සු බය වෙලා දැන් අකාශ් රේඩියෝ එකේ කථා කරනවා ඇවිත් ඉන්න අපි හොරු ටිකක් කියලා. අන්තිමට පොලිසිත් ගිහිල්ලා තමයි නැවතුණේ

තමන්ගේ කඳුලු හංගගෙන ශ්‍රාවකයින්ව හිනස්සපු දවසුත් තිබුණා නේද?

ඔව්… ටාසන් බාප්පා කරන කාලේ අපේ තාත්තා අසනීප වෙනවා. තාත්තාට කැන්සර් එකක් කියලා ඩොක්ටර් කන්ෆර්ම් කරනකොට මගේ ප්‍රෝග්‍රැම් එකට විනාඩි 05 යි තිබුණේ. හැබැයි මං ප්‍රෝග්‍රැම් එක කළා. ඒ වගේම අන්තිමට අම්මා කෝල් කරලා තාත්තා කථා කරන් නෑ කියලා කියනකොට මං ප්‍රෝග්‍රැම් එකට ස්ටුඩියෝ එකට ඇවිදගෙන යන ගමන්.

ඇයි රූපවාහිනි නිවේදනයට එන්න හිතුණේ නැත්තේ?

පළවෙනි කාරණාව මං හිතන්නේ රූපවාහිනියට ගැළපෙන මූණක් මට නෑ. අනිත් එක හැමෝම දන්න කෙනෙක් වෙන එකට කැමති වුණේ නෑ

දේශාපාලනේට එන්න අදහසක් තියෙනවද?

අපෝ නෑ. කිසිසේත්ම අදහසක් නෑ. වෙන වෙන ක්‍ෂේත්‍රවල ඉඳලා කිසිම හැදැරීමක් නැතුව දේශපාලනේ කරන්න එන අය නිසා තමයි අපේ රටට මෙහෙම වෙලා තියෙන්නේ.

ඉස්සර රේඩියෝ එකට තෑගි එහෙමත් ආවලු නේද?

ඔව් ඔව් මට විතරක් නෙමෙයි ගොඩක් නිවේදකයොන්ට ඉතින් රේඩියෝ අහන ගෑණු ළමයි ලියුම් එවනවා. මල් එවනවා.

හැබැයි ඉස්සර ගෑණු ළමයිගෙන් අඩුවක් තිබුණේ නෑ නේද?

ඔව් ඔව් ගෑණු ළමයි 10 ක් විතර ඉඳලා තියෙනවා

හැබැයි එක ගෑණු ළමයෙක් ජීවිතේම වෙනස් කළා නේද?

ඔව් එයා තමයි මගේ වයිෆ් Tresy. අපි මැරි කරලා දැන් අවුරුදු 07 ක් වෙනවා.

දෙන්නට දෙන්නා මොනවද මේ ඉගැන්නුවා කියන්නේ

ඉස්සර Tresy ට සිංහල බෑ. මං එයාට සිංහල ඉගැන්නුවා දැන් එයාට හොඳට සිංහල පුළුවන්. මට දැන් සිංහලත් මතක නෑ ඉංග්‍රීසිත් මතක නෑ (සිනාවෙමින්)

පවුල් ජීවිතයයි වෘත්තිය ජීවිතයයි අතරින් මුල් තැන දෙන්නේ මොකටද කියලා ඇහුවොත්?

ඉස්සර මගේ මුල් තැන තිබුණේ රැකියාවට හැබැයි ඒ දෙකම බැලන්ස් කරන එකයි වෙන්න ඕන කියලා මං දැන් දන්නවා

ආකාශ් ගේ ඇඟේ තියෙන ටැටූ ගැනත් ගොඩක් අය කතා වෙනවා

ඔව් මගේ ඇගේ ටැටූ 05 ක් තියෙනවා. ඒ හැම එකකටම කථාවක් තියෙනවා. මට හිතට ලොකු වේදනාවක් දැණුනම තමයි මම තව වේදනාවක් දීලා ටැටූ එකක් ගහන්නේ.

හැබැයි ගොඩක් අය කියනවා ටැටූ ගහන්නේ රස්තියාදුකාරයෝ කියලා

ඕක හැමෝටම තියෙන ප්‍රශ්නයක්. මට කියන්න තියෙන්නේ ටැටූ ගහන හැමෝම රස්තියාදුකාරයෝ නෙමෙයි. මගේ ඇගේ ටැටූ තියෙනවා හැබැයි මට ජනාධිපති සම්මානයකුත් තියෙනවා. ඉතින් මං රස්තියාදුකාරයෙක්ද?

ඒ සම්මානය ගැනත් අපි කියමු නේද?

2016 අවුරුද්දේ පළමු වරට පැවැත්වූ ජනාධිපති ක්‍රීඩා සම්මාන උළෙලේදී ශ්‍රී එෆ් එම් එකේ Sports Round Up වැඩසටහනට තමයි මේ සම්මානය ලැබුණේ. සම්මානය තමයි වසරේ හොඳම ක්‍රීඩා වැඩසටහන (ගුවන් විදුලි)

මේ ෆීල්ඞ් එකට අලුතෙන් එන අයටත් කියන්න දෙයක් තියෙනවද?

අපේ කාලේ ෆීල්ඞ් එකට ආපු අයට මේක රස්සාවක් වුනේ නෑ. මේක ගැන උණක් තිබුණේ. ඉතින් වෙලාවට ඇවිත් වෙලාවට යන දෙයක් තිබුණේ නෑ. වෙලාසනින් ඇවිත් පුළුවන් තරම් රේඩියෝ එක ඇතුලේ ඉන්නවා. ඉතින් අපිට ලැබුණු දැනුම ගොඩයි. හැබැයි දැන් කට්ටියට මේක යන්න එන්න වෙලාවක් තියෙන පඩියක් ලැබෙන රස්සාවක් විතරක් වෙලාද කියලත් හිතෙනවා. එහෙම එපා කියලා තමයි කියන්න තියෙන්නේ. මොකද මේක රස්සාවකට වඩා එහා ගිය දෙයක්

අන්තිමට අකාශ්ගේ අසන්නන්ට මොකක්ද කියන්න තියෙන්නේ?

හැමදාම වගේ කියන්න තියෙන්නේ ජයවේවා… හිනාවෙලා ඉන්න

ඔබ වැනිම රසිකත්වය ප්‍රිය කරන තවත් කෙනෙකුගේ රසවින්දනය සඳහා පහත ඇති මාධ්‍ය ඔස්සේ මෙම ලිපිය ෂෙයා කිරීමට අමතක නොකරන්න.

The post ටැටූ ගහන හැමෝම රස්තියාදුකාරයෝ නෙමෙයි – නුවන් appeared first on familylife.

පූර්ණිමා විදේශිකා කියන්නේ කවුද කියලා මං ඇහුවොත්?

පූර්ණිමා විදේශිකා කියන්නේ ඇත්තටම අනෙක් අයටත් පුළුවන් විදියට උදව් කරගෙන ගොඩක් සැහැල්ලුවෙන් නිදහසේ ඉන්න කැමති කෙනෙක්. ඒ වගේම හැමදෙයක් ගැනම ඕනවටත් වඩා හිතන කෙනෙක්. මේ පූර්ණිමා තමයි මං. ගොඩක් අය පූර්ණි කියලා තමයි කියන්නේ.

එතකොට ශිවන්යා කියන්නේ කවුද?

එයාව නම් නොදන්න කෙනෙක් නැති තරම්. පොඞ් ළමයෙක් වුණත් ශිවන්යාව දන්නවා. එයා ඒ තරම්ම ජනප්‍රිය චරිතයක්.

පූර්ණිටයි ශිවන්යාටයි තියෙන සම්බන්ධෙ මොකක්ද?

ශිවන්යා කියන්නේ ඉන්දියන් ටෙලි ඩ්‍රාමා එකක එන ප්‍රධාන චරිතය. ලංකාවේ විකාශනය වුණේ ප්‍රේම දඩයම කියන නමින්. ඉතින් ශිවන්යාට සිංහලෙන් හඬ කැව්වේ මං.

පූර්ණි කොයි කාලේ ඉඳලද හඬ කැවීම් කරන්නේ?

ශිවන්යා තමයි මගේ මුල්ම හඬ කැවීම. ඊට කලින් මං හඬ කැවීම් කරලම නෑ.

මුල් අවස්ථාවම ජීවිතය වෙනස් කළා නේද?

ඔව් ඒ චරිතය මගේ ජීවිතේ හැරවුම් ලක්‍ෂය වුණා කිව්වත් වැරදි නෑ. මොකද ඒ හඬ කැවීමෙන් පස්සේ තමයි මං ගැන ගොඩක් අය දැන ගත්තේ. ඒ වගේම මට තව තව අවස්ථා ගොඩක් ආවෙත් ඒ නිසා.

හැබැයි පූර්ණි කලාවට ආගන්තුක නම් නෑ

මං මේකට කලින් රූපවාහිනියේ මුතුහර වැඩසටහනේ හිටියා නේ.

කොහොමද ශිවන්යා එක්ක ගත කරපු කාලේ

ප්‍රේම දඩයම කියලනේ සිංහලෙන් ඒ කථාව ගියේ. ඉතින් මෑත ඉතිහාසයේ ඒක තමයි වැඩිම රේටින්ග්ස් අතර හිටියේ. ඉතින් දවසින් දවස ශිවන්යා චරිතය ජනප්‍රිය වෙනකොට මට දැණුනේ ලොකු සතුටක්. ඉතින් එතකොට මටත් හිතුණා මගේ හඬ ඒ චරිතයට සාධාරණයක් කරනවා කියලා

හැබැයි ඔක්කොම දාලා ගෙදර යන්නත් හිතුණලු නේද?

ඔව් ඔව් (හිනාවෙමින්) මේක මගේ මුල්ම හඬ කැවීමනේ. ඉතින් මුල් කාලේ හරිම අමාරුයි මට මේක කරන්න. හරියට කරගන්න බැරි වුණාම අඬලත් තියෙනවා. ඒ වෙලාවට නම් ඉතින් හිතුණා මේක දාලා ගෙදර යනවා කියලා. හැබැයි ටික ටික මං පුරුදු වෙනකොට මට ශිවන්යව දාලා ගෙදර යන්න හිතුණෙම නෑ

ශිවන්යා කියලා කථා කරන අය එහෙම නැද්ද?

දැන් නම් පූර්ණි කියලා කියන්නෙත් නැති තරම්. ශිවන්යා කියලාම තමයි යාළුවෝ කථා කරන්නේ

පූර්ණිගේ ඇත්ත හඬ නෙමෙයි නේ ශිවන්යට දෙන්නේ. ඉතින් කොහොමද මේ එකම කටහඬ මතක තියා ගන්නේ?

එක එක චරිතවලට එක එක විදියට හඬ වෙනස් කරලා තමයි හඬ කැවීම් කරන්නේ. ඒත් මට ඒ ඒ චරිතේ දැක්කම ඉබේටම අදාල හඬින් ඉබේමට කථා කෙරෙනවා

ප්‍රේම දඩයම 02 දී හරි අපූරු දෙයක් වුණාලු නේද?

ඔව් නේ. ඒකේ කොටස් කිහිපයක් යනකන් ශිවන්යයි ශිවන්යගේ දුව ශිවන්ගියි දෙන්නම ඉන්නවා. ඉතින් ඒ දෙන්නටම තියෙන්නේ මගේ කටහඬ. ඒත් ඉතින් එකම විදියට කරන්නත් බෑනේ. ඉතින් ශිවන්යගේ කටහඬ ටිකක් වයස කරලා කියලා කිව්වා. ශිවන්ගිට තරුණ විදියට හඬ කැව්වා. ඒ අත්දැකීම නම් කවදාවත් අමතක වෙන්නේ නෑ

ඔය අතරේ කටහඬ ගියපු දවසුත් තිබුණා නේද?

ශිවන්යට කාලි මෑණියෝ ආරූඪ වෙන අවස්ථාවේදී හයියෙන් කෑ ගහලා තමයි වොයිස් කරන්න ඕන. ඉතින් කෑ ගහලම සමහර දවස්වලට කාලි මෑණියෝ ආරූඩ වෙලා බලන් ඉන්නවා හැබැයි මගේ කටහඬ නෑ.

ශිවන්යයි පූර්ණියි දෙන්නම ටිකක් එක වගේ කියලා කවුරුත් කියලා නැද්ද?

ඔව් ඔව් කියලා තියෙනවා. කට්ටිය මට ආදරේ කරන්න ඒකත් හේතුවක් වෙන්න ඇති කියලා හිතනවා

ඒ දවස්වල පූර්ණි දෂ්ට කරයි කියලා යාළුවෝ බයෙන් හිටියලු නේද?

මේකනේ වුණේ… මං ඒ කාලේ ඒ චරිතෙටම බැහැලා හිටියේ. ඉතින් නිකං කවුරු හරි එක්ක කථා කළත් ඉබේටම තරහෙන් ශිවන්යා වගේ බැලිලා තමයි කථා කෙරෙන්නේ. ඉතින් ඉස්සර යාළුවෝ කියනවා දැන් නම් නයෙක්මයි කියලා.

ශිවන්යට වගේම පූර්ණිටත් ලස්සනට ඩාන්ස් කරන්න පුළුවන් නේද?

අම්මෝ ශිවන්යට වගේ නම් බෑ. ඒත් මට ඩාන්ස් කරන්න පුළුවන්

පූර්ණි තව මොනවද කරන හඬ කවන චරිත?

චූටි දුව ඩ්‍රාමා එකේ මෝහිනී කියන චරිතය කරනවා. ස්වප්නා එකේ පූර්වි කියන චරිතය කරනවා. ඊට අමතරව කිරිල්ලියෝ එකේ ඇන්ඩිගේ චරිතේ කළා. ඒකේ දෙවනි කොටසක් එයි කියලා බලාපොරොත්තුවෙන් ඉන්නවා.

මේ කොහොම වුණත් තාම හිතේ ඉන්නේ ශිවන්යමලු නේද?

ඔව් ඒ චරිතෙට තමයි මං ගොඩක්ම ආස.

ඉතින් ඇත්තටම රගපාන්න අදහසක් නැද්ද?

ආරාධනා නම් ලැබුණා. ඒත් මං කැලණිය විශ්ව විද්‍යාලයේ මනෝ විද්‍යා විශේෂ උපාධියක් හදාරනවා. ඉතින් මේ දවස්වල අධ්‍යාපන කටයුතුත් එක්ක ටිකක් අමාරුයි. පස්සේ හෙමින් බලමුකෝ.

කොච්චර වැඩ තිබුණත් තව බලාපොරොත්තුවක් ඉෂ්ට කරගන්න නම් හිතේ තියෙනවා නේද?

ඔව් මියුසික් තමයි මගේ ආසම දේ. ඉතින් මියුසික් වීඩියෝ එකක් ළඟදිම එළියට එයි. ඉතින් රඟපෑවේ නැතත් ගායිකාවක් නම් වෙයි.

එතකොට පූර්ණිගේ වෘත්තිය මොකක් වෙයිද?

ඉගෙන ගන්න අංශය තමයි වෘත්තිය වෙන්නේ. ඒත් කලා කටුයතුත් මං අතාරින්නේ නෑ

පූර්ණිට මතක් කරන්න ඕන කට්ටියක් ඉන්නවා කිව්වනේ

හඬ කැවීම් අධ්‍යක්‍ෂ දීපාල් සාමක අයියට ස්තූති කරන්න ඕන. මට හඬ කැවීම්වල මුල කියලා දුන්නේ එයා. ඒ වගේම මට අවස්ථාව ලබාදෙන හැම මීඩියා ආයතනයකටම ස්තූතියි. මගේ අම්මයි තාත්තයි ඒ දෙන්නටත් ගොඩක් ස්තූතියි මට හැමදේටම උදව් කරනවට.

අන්තිමට මොනවද කියන්න තියෙන්නේ?

හැමෝම මට ගොඩක් ආදරෙයි කියලා මට දැනෙනවා. ඉතින් ඒක තමයි මට ලබා ගන්න පුළුවන් හොඳම දේ. ඉතින් හැමදාම මේ වගේ මාත් එක්ක ඉන්න.

ඔබ වැනිම රසිකත්වය ප්‍රිය කරන තවත් කෙනෙකුගේ රසවින්දනය සඳහා පහත ඇති මාධ්‍ය ඔස්සේ මෙම ලිපිය ෂෙයා කිරීමට අමතක නොකරන්න.

The post ශිවන්යා කියලාම තමයි යාළුවෝ කථා කරන්නේ – පූර්ණිමා appeared first on familylife.

ළහිරු කථා කරන හැම වචනයකම තිබුණේ මට පුළුවන් කියන විශ්වාසය. ළහිරු එක්ක කථා කරලා ඉවර වෙනකොට අපේ හිතටත් ආවා අපි හිතුවොත් , ඒ වෙනුවෙන් කැප වුනොත් අපිටත් ඕනම දෙයක් පුළුවන් කියන හැඟීම. ඉතින් ළහිරු ගැන ගොඩක් අය නොදන්න දේවල් ගොඩක් ළහිරු අපිත් එක්ක මෙහෙම කිව්වා.

මේ ළහිරු ද?ලා සිංඤෝ ද?

මෙහෙමනේ… ළහිරු පෙරේරා කියන්නේ මගේ නම එතකොට ලා සිංඤෝ (La Signore) කියන්නේ මම හදපු මගේ බ්‍රෑන්ඞ් එක

ඇත්තටම මොකක්දලා සිංඤෝ (La Signore) කියන එකේ තේරුම?

ලංකාවේ මහත්තයා එහෙමත් නැත්නම් ලන්කන් සිංඤො කියන තේරුම තමයි තියෙන්නේ

ලා සිංඤෝ (La Signore) කියන නමින් අලුත් වැඩකට අත ගැහුවා නේද?

ඔව්ලා සිංඤෝ (La Signore) කියන බ්‍රෑන්ඞ් එක මං හැදුවේ මේ දේ හිතේ තියාගෙන. ඒකේ පළවෙනි ස්ටෙප් එක විදියට ඒ Brand Name එකෙන් අලුත් පර්ෆියුම් රේන්ජ් එකක් හඳුන්වලා දෙනවා. කට්ටිය දැන් ඒ ගැන ටික ටික දන්නවා. නොවැම්බර්වල හරියටම Launch කරනවා. මේ Brand Name එකෙන් තව ගොඩක් දේවල් ඉස්සරහට බලා ගන්න පුළුවන්.

ලා සිංඤෝ (La Signore) කියන්නේ තනියම කරපු වැඩක්ද?

නෑ නෑ…ලා සිංඤෝ (La Signore) කියන බ්‍රෑන්ඞ් එක පිටිපස්සේ සෑහෙන්න කට්ටියක් ඉන්නවා. මේක තනි වැඩක් නම් නෙමෙයි.

එතකොට ළහිරු සිංදු කියලා ඉවරද?

කවදාවත් නෑ… සිංදු තමයි අංක එක

චයිනා ටවුන් සිංදුවට හොඳ ප්‍රතිචාර ලැබුණා නේද?

ඔව් ඔව්… චයිනා ටවුන් සිංදුව හිතුවට වඩා ගොඩක් හිට් වුණා

හිට් වෙන සිංදු වෙළඳ දැන්වීම්වලට යොදා ගන්න එක ගැන මොකද හිතෙන්නේ?

මෙහෙමයි අපි වෘත්තීමය කලාකරුවෝ නේ. ඉතින් අපේ ආදායම් මාර්ගය මේක. ඒ නිසා අපි කරන සිංදුවක් තව තවත් පැතිවලින් ආදායම් මාර්ගයක් කරගන්න එක වැරුද්දක් විදියට මං දකින්නේ නෑ. මං හිතන්නේ එහෙම තමයි වෙන්න ඕන. සමාජයට වැරදි දෙයක් දෙන්නේ නැත්නම් එහෙම කරන එකෙන් ප්‍රශ්නයක් නෑ.

බ්‍රෑන්ඞ් එකක් කරනවා කියන්නේ එක්තරා විදියක අභියෝගයක්. ළහිරු පෙරේරා කියන්නේ අභියෝග භාර ගන්න කෙනෙක්ද?

ඔව්. ළහිරු පෙරේරා කියන නම හොඳට හැදීගෙන එන කාලේ තමයි මමලා සිංඤෝ (La Signore) කියලා වෙනස් කරන්නේ. ඒකම අභියෝගයක්. මම කියන්නේ ඒකාකාරී ජීවිතේට වඩා අභියෝග එක්ක යන ජීවිතේ තමයි මරු.

සංගීත ලෝකයේ මේ තරම් දුර එන එකත් අභියෝගයක් වෙන්න ඇති?

මෙහෙමයි, ඉස්කෝලේ සෞන්දර්ය විෂය තෝර ගන්නකොට තාත්තා කිව්වා මියුසික් තෝර ගන්න කියලා. එතකොට මම මියුසික් ගැන මොකුත්ම දන්නේ නෑ. හැබැයි ටිකක් කල් යනකොට මං දැනගත්තා මියුසික් තමයි මගේ ඇගේ තියෙන්නේ කියලා. එතනින් පස්සේ හැමදාම හිතුවේ මගේ සිංදුවක් කරන්න ඕන… අලුත් දෙයක් කරන්න ඕන කියලා

ඒ නිසා ගෙදර අය වැටුණේ හරි අමාරුවකලු නේද?

(සිනාවෙමින්) ඔව් ඔව්. අක්කට තෑග්ගකට හම්බෙලා තිබුණා කීබෝඞ් එකක්. ඕක ඉතින් අන්තිමට මගේ වුණා. හැබැයි මං ප්ලේ කළේ මටම හිතෙන සිංදු. මං එක එක විදියේ ඒවා ප්ලේ කරනවා. ඉතින් ගෙදර අය අමාරුවෙන් හරි මේවා අහන් හිටියා. මට ඉතින් ඒ කාලේ හරි ආඩම්බරයි එයාලා ඒවා අහගෙන ඉන්නකොට

ඒ වගේම ගොඩක් ලැජ්ජා වුණු දවසකුත් තිබුණා නේද?

ඔව්. ඔව්. මං ගියේ කොළඹ ඩී.එස්. සේනානායක විද්‍යාලයට. ඒ ලෙවල් කරන කාලේ මං ඩී.එස් ගාන්ධර්ව ඔකෙස්ට්‍රා එකේ හිටියා. මේක වෙනකොට ගෘප් එකේ අපි ටිකක් ලොක්කෝ වගේ හිටියේ. තව පොඩි අය ටිකකුත් හිටියා. ඔන්න අපිට දවසක් යන්න වුණා ගුවන් විදුලි සංස්ථාවට (SLBC) සිංදු දෙකක් රෙකෝඞ් කරන්න. එකක් “අන්න බලන් සඳ” අනිත් එක “ආලේ බැන්ද මාගේ රම්‍ය වන්”. ඉතින් ආලේ බැන්ද සිංදුව ඉවර කළා. දැන් තියෙන්නේ අන්න බලන් සඳ. මේකේ තියෙනවානේ චන්දන පල්ලව කෝකිල කූජන කියලා කොටසක්. මට මේ කූජන කෑල්ල කියන්නම බෑ වරදිනවා. දෙතුන් සැරයක්ම ගත්තා ඒත් වරදිනවා. දැන් වෙලාවත් ඉවර වෙනවා අපිට දීපු. අර පොඩි ළමයි ටික හිනාත් වෙනවා. පස්සේ මං කිව්වා මට මේක කියන්න බෑ කියලා. ඊට පස්සේ අර පොඩි ළමයෙක් තමයි ඒක කිව්වේ. එදා මට ලොකු ලැජ්ජාවක් දැණුනා. එදා මං හිතා ගත්තා කවදාහරි උදේ ඉඳන් හවස් වෙනකන් හරි වැරදි වැරදි සිංදු කියන්න පුළුවන් මගේම ස්ටුඩියෝ එකක් දානවා කියලා.

ඊට පස්සේ ඒකත් කළා?

ඔව් ඉස්කෝලෙන් පස්සේ මං සිංගප්පූරුවේ ගිහින් Audio Engineering ඉගෙන ගත්තා. දැන් මට මගේම Music Oven කියලා ස්ටුඩියෝ එකක් තියෙනවා.

ඉගෙන ගත්ත දේ දැන් උගන්වනවා එහෙම නේද?

ඔව් මගේ පමිසජ Music Oven Institute එකේ Audio Engineering ඉගෙන ගන්න පුළුවන්

ළහිරු කාලෙකට ෆාස්ට් ට්‍රැක් එකක් කරනවා තවත් කාලෙකට ලයාන්විත Slow සිංදුවක් කරනවා. මේක උපක්‍රමයක්ද?

එහෙම හිතලා කළා නෙමෙයි. මං මුලින්ම කිව්වේ ලයාන්විත ගීත. ඔහොම ඉන්නකොට මම මගේ පළවෙනි බයිලා සිංදුව “රම්බරි” කරනවා. ඔන්න එතෙකොට මට තේරුණා මේකත් මට සෙට් වෙනවනේ කියලා. ඒ වගේම ඇත්තටම මගේ වාසනාවට මේ වර්ග දෙකම සමාජගත වුණා. ඉතින් මම මේ දෙකම කරනවා. ඉස්සරහට තව තව විදිත් අත්හදා බලාවි.

ළහිරු සිංදු කීයක් විතර කරලා තියෙනවද?

මං එළියට දාපු සිංදු 12 ක් තියෙනවා. හැබැයි මං ඉගෙන ගන්න කාලෙ ඉඳලම කරපු සිංදු එක්ක බැලුවොත් දැනට 200 ක් විතර කරලා තියෙනවා.

ළහිරුගේ වාසනාවන්ත සිංදුව මොකක්ද?

රම්බරි තමයි

වැඩියෙන්ම පර්ෆෝම් කරන්නේ මොන සිංදුවද?

12 යි නේ තියෙන්නේ. ඒ අතරින් අනිවාර්යෙන්ම ප්ලේ කරන්නේ රම්බරි, මොට්ටු, ළබැඳියේ

ළහිරුගේ හැම සිංදුවකම සිග්නේචර් ඩාන්ස් එකක් තියෙනවා. මේක ඔයා හිතලම කරනවද?

ඒක නම් ඔව්. ඉස්සර තිබුණා Macarena ඩාන්ස් ස්ටෙප් එක. හැමෝම මේක පිස්සුවෙන් වගේ ෆලෝ කළා. ඔන්න ඔය කාලේ මටත් හිතුණා සිග්නේචර් ස්ටෙප් එකක් මමත් කරනවා කියලා. ඉතින් මම ට්‍රයි කළා. තාමත් මම සාර්ථක නෑ කියලා හිතෙනවා. ඒත් චයිනා ටවුන් එකේ ඩාන්ස් එක නම් ටිකක් ෆේමස් වුණා කියලා දැනෙනවා.

ගර්ල් ෆ්‍රෙන්ඞ්ට දුන්නු පළවෙනි ගිෆ්ට් එක ගැනත් කියමු නේද?

එතකොට ගර්ල් ෆ්‍රෙන්ඞ් වෙලා නෑ. තාම ට්‍රයි කරන කාලේ. ඔන්න මට හිතුණා එයාගේ බර්ත් ඬේ එකට ගිෆ්ට් එකක් දෙන්න ඕන කියලා. ඉතින් මං කළා සිදුවක් “කෙතරම් කීවත් වැටහෙන් නෑ” කියලා. ඒ කාලේ දැන් වගේ ලේසි නෑ. සිංදුව කී බෝඞ් එකෙන් ප්‍රෝග්‍රෑම් කරලා රෙකෝඞ් බාර් එකකට ගිහින් ලයිව් සින්ග් කරන්න ඕන. එතකොට තමයි ඒක රෙකෝඞ් වෙන්නේ. ඔන්න මමත් එහෙම කරලා සීඩී එකක් ගහලා එයාට දුන්නා. ඒත තමයි මගේ ජීවිතේ පළවෙනි සිංදුව.

කවුද ඉතින් මේ එයා

එයා තමයි ඉතින් මගේ වයිෆ්. එයාගේ නම මීපමා සල්මලී කීර්තිරත්න

ඉතින් ළහිරු ඉස්සරහට මොකද වෙන්නේ

මේ සතියේ මගේ අලුත් සිංදුවක් එනවා. ඒකේ වීඩියෝ එක මං කරපු අනිත් ඒවායින් වෙනස්. මේක ඩුවට් එකක්. මරීෂා එකක් තමයි කරන්නේ. තව අලුත් දේවල් වෙන්න තියෙනවා. ඒවා ඉස්සරහට කියන්නම්කෝ.

මොනවද අන්තිමට ෆැමිලි චැට් කියවන ඔයාගේ රසික රසිකාවියන්ට කියන්න තියෙන්නේ

හැමදේම තාවකාලිකයි. ඉතින් හැමදාම සතුටින් ඉන්න

ලා සිංඤෝ YouTube පිටුවට

ඔබ වැනිම රසිකත්වය ප්‍රිය කරන තවත් කෙනෙකුගේ රසවින්දනය සඳහා පහත ඇති මාධ්‍ය ඔස්සේ මෙම ලිපිය ෂෙයා කිරීමට අමතක නොකරන්න.

The post අභියෝග එක්ක යන ජීවිතේ තමයි මරු – ලහිරු (ලා සිංඤෝ) appeared first on familylife.

රන්ධීර් මොකක්ද මේ නෞකා කියන්නේ ?

නෞකා කියන්නේ මගේ අලුත්ම ගීතය. ඇත්තටම මේක මම 2008 රිලීස් කරපු නාමල් මිටක් ඇල්බම් එකේ තිබුණු ගීතයක්. මේ සැරේ අලුත් වෙනස්කම් ටිකක් එකතු කරලා රිලීස් කළා.

මොනවද ඒ අලුත් වෙනස්කම් කියලත් කියමු නේද?

HIP HOP STYLE එක මික්ස් කරලා තියෙනවා. ඒ වගේම මේ වැඩේට Drill Team එකේ රවි ජේ සම්බන්ධ වුණා. ඉතින් මේ ගීතයේ මියුසික් ඉඳලා හැමදෙයක්ම ප්‍රේක්‍ෂකයන්ට ලොකු වෙනසක් වුණා කියලා ලැබෙන ප්‍රතිචාරවලින් පේනවා.

ලැබුණු ප්‍රතිචාරවලින් රන්ධීර් තවත් දෙයක් දැන ගත්තා නේද?

ඔව්. මං මුලින්ම ක්‍ෂේත්‍රයට එන්නේ HIP HOP ගායකයෙක් විදියට. ඉතින් මේ ගීතයේ තියෙන මගේ HIP HOP පාට් එකට ෆෑන්ස්ලා දක්වපු ප්‍රතිචාරවලින් මට දැණුනා එදා දැකපු රන්ධීර්ට තාමත් කට්ටිය ආදරෙයි, එයාව අමතක නෑ කියලා.

මේ ගීතයෙන් කියවෙන්නේ මොන වගේ දෙයක්ද?

මේකේ කියන්නේ හිතුවක්කාර ගෑණු ළමයෙක් කෙනෙක්ගේ ජීවිතයට ඇතුල් වෙලා ජීවිතය කළඹලා ආයෙත් හැරිලාවත් බලන්නේ නැතුව යන කථාවක්. මේ ගීතය ලිව්වේ උපුල් ශාන්ත සන්නස්ගල. ඒ වචන ඇතුලේ තියෙන කථාව ගීතය අහලම බලන්නකෝ…

මියුසික් වීඩියෝ එකත් ටිකක් වෙනස් නේද?

ඔව් මියුසික් වීඩියෝ එක කළේ චමිල් පතිරණ (තාලරූප). අපි මේක කළේ කලාත්මක විදියට. ගීතයේ කියවෙන ඒ හිතුවක්කාර ගෑණු ළමයාගේ සිතුවිලි එයාගේ කළබලකාරී වැඩ විෂුවල් එකෙන් එළියට අර ගන්න තමයි මෙහෙම කළේ. ඒක සාර්ථකයි කියලා මං හිතනවා.

සුදු කිරිල්ලියේ ගීතයත් අමතක කරන්න බෑ නේ ඒ ගැනත් කියමු නේද?

ඇත්තටම ඒකටත් ගොඩක් හොඳ ප්‍රතිචාර තිබුණා. ඒකත් ටිකක් වෙනස් විදියේ ගීතයක් නේ.

ලොකුම වෙනස තිබුණේ රන්ධීර්ගේ Costume එකේ… එහෙම නේද?

(සිනාවෙමින්) ඔව් නේද? ඇත්තටම මං ඒකේ ඇන්දේ සරම. ඒ කාලේ මං දිගටම ඇන්දේ ඒකනේ. මං හරිම ආසයි ඒ ඇඳුමට. හරිම සරල ඇඳුමක් නවීන කාලෙට ගැළපෙන විදියට හදලා තියෙනවා. ඒ බ්‍රෑන්ඞ් එක තමයි LOVI කොහොමත් මං ආසයි ෆැෂන් පැත්තෙන් අලුත් අලුත් දේවල් අත්හදා බලන්න.

රන්ධීර් දැනට සිංදු කීයක් විතර කරලා තියෙනවද?

ඇල්බම් දෙකක් කළා. හැමෝම කථා කරන හිට්ම වුණු ගීත 05 ක් විතර තියෙනවා

ඒ අතරින් ප්‍රසිද්ධම සිංදුව මොකක් කියලද හිතන්නේ?

නාමල් මිටක් සහ මල් මදහාසේ

රන්ධීර් වැඩියෙන්ම perform කරන්න කැමති සිංදුවක් තියෙනවද?

එහෙම එකක් නෑ. මගේ ඔක්කොම සිංදුවලට මං ආසයි.

රසිකයන් නිසා වුණු අමතක නොවන සිදුවීමක් නැද්ද?

දවසක් නිව්යෝක්වල තිබුණු ෂෝ එකකදි ආපු ප්‍රේක්‍ෂකයෙක් මම ඇඳගෙන හිටපු ටී ෂර්ට් එක ඉල්ලගෙන ගියා. ඒක මට තාම මතකයි. මොකද ඒ මට තියෙන ආදරේ නේ.

රන්ධීර් වැඩියෙන්ම කැමති මොන රටේ තියෙන සංදර්ශන වලට යන්නද?

මට ලංකාවේ වගේම නවසීලන්තයෙත් පුරවැසිභාවය තියෙනවා. ඉතින් එහේ ෂෝ එකක් කියන්නේ ගෙදර යනවා වගේනේ. මං එහේ යන්න කැමතියි. තව ඉතාලියේ යන්නත් කැමතියි. ඒ රටේ සංස්කෘතියට ඉතිහාසයට මං කැමතියි.

රන්ධීර් හැමදාම එකම විදියට මෙච්චර ලස්සනට ඉන්නේ කොහොමද?

හිත හොඳ අය වයසට යන්නේ නෑ කියලා කියනවනේ. (රන්ධීර් එක්ක කථා කරපු විනාඩි කිහිපයේදී ඒක නම් ඇත්තමයි කියලා අපිටත් හිතුණා)

රන්ධීර්ට ඇඞ්වර්ටයිසින් ඒජන්සි එකකුත් තියෙනවා නේද?

ඔවු මගේ මියුසික් වැඩ ගොඩක්ම තියෙන්නේ සති අන්තේ දවස්වල. ඉතින් සතියේ දවස්වලදි ඇඞ්වර්ටයිසින් ඒජන්සි එකේ වැඩ ටික කරගෙන යනවා.

රන්ධීර්ට රඟපාන්න එහෙම ආරාධනා ලැබිලා නැද්ද?

ආරාධනා නම් ලැබිලා තියෙනවා. මම භාර අරගෙන නෑ. මොකද මං ඒක කරනවා නම් ඒ ගැන හොඳට අධ්‍යනය කරලා තමයි කරන්න ඕන. එහෙම නැත්නම් අපේ ප්‍රවීණයෝ මේ තාක් උස් තැනකට ගෙනත් තියෙන රංගන ක්‍ෂේත්‍රයට මං කරන්නේ අසාධාරණයක්.

හැබැයි රන්ධීර්ට ඒ ගැන දැනුම නෑ කියන්නත් බෑ නේද?

මගේ ඩිග්‍රි එක කළේ ජන සන්නිවේදනය. එතනදි මං හැදෑරීමක් කරලා තියෙනවා. ඒත් මං හිතන්නේ මං ගොඩක් දක්‍ෂ නිෂ්පාදන අංශයට. ඒ නිසාමයි මං ඇඞ්වර්ටයිසින් ඒජන්සි එකත් පටන් ගත්තේ.

රන්ධීර්ට මුහුදත් එක්ක තියෙන්නේ හරි අපූරු බැඳීමක්ලු නේද?

(සිනාවෙමින්) මෙහෙමයි මං හරි ආසයි බීච් සයිඞ් එකට. ඉතින් නිවාඩුවක් ලැබුණු ගමන් යන්නේ ඒ වගේ පැතිවලට තමයි.

ඔන්න දැන් රන්ධීර්ට කැමති දෙයක් කියන්න පුළුවන් අපේ familylife.lk කට්ටියට…

මේ ලෝකේ ආර්ටිස්ට් කෙනෙක් බිහිවෙනවා නම් ඒ ප්‍රේක්‍ෂකයෝ නිසා. ඉතින් මාත් එක්ක අවුරුදු 10 ක් හිටපු ඔයාලා නිසා තමයි අද මං මෙහෙම ඉන්නේ. ඉතින් හැමෝමට ගොඩක් ස්තූතියි. හැමදාම මාත් එක්ක ඉන්න. ඒ වගේම මගේ යූ ටියුබ් චැනල් එකත් Subscribe කරන්න. එතකොට මගේ අලුත් සිංදු මුලින්ම ඔයාලට බලන්න පුළුවන්. ඒ වගේම මගේ අලුත් ගීතය නෞකා අහලා බලලා ඔයාලට හිතෙන දේ කියන්න.

අනෙකුක් family chat ලිපි…

මෙම ලිපිය ගැන ඔබගේ අවංක අදහස් කමෙන්ට්ස් ඔස්සේ අපට කියන්න. ඔබ වැනිම රසිකත්වය ප්‍රිය කරන තවත් කෙනෙකුගේ රසවින්දනය සඳහා පහත ඇති මාධ්‍ය ඔස්සේ මෙම ලිපිය ෂෙයා කිරීමට අමතක නොකරන්න.

The post හිත හොඳ අය වයසට යන්නේ නෑ… appeared first on familylife.

කවින්ද්‍යා කලාවට නම් අලුත් නෑ ඒත් සිනමාවට නම් අලුත්. හැබැයි ඉතින් ෆිල්ම් එක බලනකොට නම් අලුත් කියලා පෙන්නේ නෑ. බලමුකෝ කවින්ද්‍යා මොනවද කියන්නේ කියලා. ඊට කලින් කියන්න ඕන කවින්ද්‍යා එක්ක ගත කරපු විනාඩි කිහිපය familylife.lk අපිට හරිම සුන්දර වෙලාවක් වුණා. මොකද කවින්ද්‍යා ඒ තරම්ම සුහදශීලියි. හරිම ආදරණීයයි.

ඉතින් කවින්ද්‍යා මුලින්ම කියන්නකෝ කොහොමද “ඝරසරප” ෆිල්ම් එකට සම්බන්ධ වුණේ?

ජයන්ත චන්ද්‍රසිරි අංකල් අම්මිට කෝල් කරලා කියලා තිබුණා අලුත් ෆිල්ම් එකක් කරනවා ඒකට මාව ඕන කියලා.

ඉතින් ආරාධනාව ලැබුණු ගමන්ම කවින්ද්‍යා කැමති වුණාද?

ජයන්ත අංකල් මාව තෝර ගෙනම තමයි අම්මිට කෝල් කරලා තිබුණේ.ජයන්ත වන්ද්‍රසිරි කියන්නේ ලංකාවේ සිනමාවේ දැවැන්තයෙක්. ඉතින් අම්මි පුදුම වෙලා තිබුණා මාව ඕන කිව්වම අම්මි එක පාරින්ම හා කියලා තිබුණා. අම්මි හා කිව්වට පස්සේ මට ඒ ගැන දෙපාරක් හිතන්න ඕන වුණේ නෑ කොහොමත් මම අම්මිගෙන් අහලානේ වැඩක් බාර ගන්නේ

පළවෙනි චරිතයම ප්‍රධාන චරිතයක් වුණ එක ගැන මොකද හිතෙන්නේ?

ඔව් මේක තමයි මගේ මුල්ම රගපෑම. ඉතින් පළවෙනිම චරිතය ප්‍රධාන චරිතයක් වුණු එක ගැන ගොඩක් සතුටුයි. ඊටත් වඩා සතුටුයි ජයන්ත අංකල්ගේ ෆිල්ම් එකක මුල්ම රගපෑම කරන්න ලැබුණු එක ගැන

තවත් ලොකු විශේෂත්වයක් තියෙනවා නේද මේ පළවෙනි රගපෑමේ?

ඔව් අම්මි මුලින්ම රගපෑවෙත් කමල් අද්දරආරච්චිඅංකල් එක්ක. ඒ වගේම මගේ මුල්ම ෆිල්ම් එකෙත් කමල් අංකල් ඉන්නවා. ඉතින් ඒක මට ගොඩක් විශේෂයි

මේ චරිතය ටිකක් වෙනස් නේ ඉතින් කවින්ද්‍යා කොහොමද චරිතයට හැඩ ගැහුණේ?

ඔව් මේකේ තියෙන්නේ ආවේශ වෙන චරිතයක්. අම්මි නම් කිව්වා මට රගපාන්න දේකුත් නෑ කියලා(සිනාසෙයි). කොහොමහරි මං ජයන්ත අංකල්ට කථා කරලා කිව්වා මම රගපාලා නෑ මං මොකද කරන්න ඕන කියලා. අංකල් කිව්වා රගපාලා නැත්නම් තවත් හොඳයි කියලා. පස්සේ ජයන්ත අංකල් ෆිල්ම් එකට වර්ක් ෂොප් එකක් කළා. ඒකෙන් මට ගොඩක් ලොකු පුහුණුවක් ලැබුණා

කොහොමද රගපානකොට අනිත් කලාකරුවන්ගෙන් ලැබුණු සහයෝගය?

ෆිල්ම් එකේ ඔක්කොම හිටියේ කලා ක්‍ෂේත්‍රයේ ප්‍රවීණයෝ. ඉතින් මට ටිකක් බය හිතුණා. හැබැයි එයාලා මට ගොඩක් උදව් කළා. මාත් එක්ක ගොඩක් රගපෑවේ කුසුම් ආන්ටියි ශ්‍රියන්ත අංකලුයි වසන්ත අංකලුයි. එයාලා මට ගොඩක් දේවල් කියලා දුන්නා.

අම්මා මොකද කිව්වේ කවින්ද්‍යාගේ රගපෑම ගැන?

අම්මි හරිම සංවේදීයි. මුල්ම මීඩියා ප්‍රෙස් එක දවසේ එයා ෆිල්ම් එක බලලා හොඳටම ඇඬුවා. ඉතින් මට ඒක ඇති හිතා ගන්න එයා කොච්චර සතුටු වුණාද කියලා. අනිත් එක අම්මි මාවයි මල්ලිවයි හැදුවේ තනියෙන්. ඉතින් අද අපි දෙන්නා යම් දේකින් සාර්ථක වෙනවා නම් මේ ලෝකේ අම්මි තරම් සතුටු වෙන කවුරුවත් නෑ

කවින්ද්‍යාට ලැබුණු අමතක නොවනම ප්‍රතිචාරය මොකක්ද?

මට හැම ප්‍රතිචාරයක්ම ගොඩක් විශේෂයි. එකක්වත් අමතක වෙන්නේ නෑ. හොඳම ප්‍රතිචාර ගොඩක්ම ලැබුණේ ක්‍ෂේත්‍රයේ ප්‍රවීණයන්ගෙන්. ඉතින් ඒවා මට කවදාවත් අමතක වෙන්නේ නෑ.

ෆිල්ම් එකේදී සිදුවුණු අමතක නොවනම සිදුවීම මොකක්ද?

මට ෆිල්ම් එකේ හැම සිදුවීමක්ම අමතක නොවන ඒවා තමයි. එකක් තමයි ෆිල්ම් එකේ තියෙන්නේ ආවේස වෙන කථාවක් නේ. ඉතින් ෆිල්ම් එකට කලින් වර්ක් ෂොප් එකේදී මගේ චරිතේ ප්‍රැක්ටිස් කර කර ඉන්නකොට මට කලන්තේ හැදිලා වැටුණා. ඉතින් කට්ටිය එහේ මෙහේ බයවෙලා දිව්වා. ඒක මට අමතක වෙන්නේ නෑ

ෆිල්ම් එක බලනකොට මේ අපි දකින කවින්ද්‍යාද කියලා හිතෙන්නෙවත් නෑ.

ගොඩක් අය එහෙම කිව්වා. මාව දැකලා තියෙන විදියට ඒ ඉන්නේ මමද කියලා හිතාගන්නවත් බෑ කියලා. මට හිතෙන්නේ මගේ අම්මියි තාත්තියි දෙන්නම රගපාලා තියෙනවානේ ඉතින් මටත් ඒ දෙන්නගේ හැකියාවෙන් ටික ටික මිශ්‍ර වෙලා ඇවිත් ඇති කියලා

කවින්ද්‍යාගේ හැඩහුරුකම අම්මවයි තාත්තයි දෙන්නම වගේ කියලා කවුරුත් කියලා නැද්ද?

ඔව් ඔව් ඒක හැමෝම කියනවා. ඒ ගැන නම් ඉතින් ගොඩක් සතුටුයි.

ටෙලිඩ්‍රාමාවල රගපාන්න අදහසක් නැද්ද?

ෆිල්ම් එකටත් කලින්ම ටෙලි ඩ්‍රාමා එකකට ආරාධනාවක් ලැබුණා. ඒත් මං ටෙලි ඩ්‍රාමාවල නම් රගපාන එකක් නෑ

කවින්ද්‍යා මොනවද ඉස්සරහට කරන්න හිතාගෙන ඉන්නේ?

අම්මිගේ “එරන්දතී” කලායතනේ වැඩ බාර ගත්තා ළඟදි. මෙච්චරකල් අත්තම්මා තමයි බැලුවේ. දැන් එයාට චුට්ටක් සනීප නෑ. ඒ නිසා මං ඒක බාර ගත්තා. ඒ වගේම මගේ ඩිග්‍රි එකත් තව අවුරුදු දෙකකින් ඉවර වෙනවා.

කවින්ද්‍යා පෙම් හීන කියලා සිංදුවක් කළානේ. ඊට පස්සේ සිංදුවක් එහෙම කරන්න අදහසක් නැද්ද?

ඒක කරලා දැන් අවුරුදු තුනක් වෙනවා. අලුත් එකක් කරන්නත් අදහසක් තියෙනවා.

කවින්ද්‍යා අම්මගේයි තාත්තාගෙයි සිංදුවලින් වැඩියෙන්ම ආස මොකකටද?

ඒ දෙන්නා මල්ලිට කළා සිංදුවක් “සඳ සුමුදුයි” කියලා. මං ඒකට තමයි ගොඩක්ම ආස

කවින්ද්‍යා වගේම මල්ලිත් ඉස්සරහට කලාවේදි දකින්න පු`ඵවන් වෙයිද?

මල්ලි තාම ඉස්කෝලේ යනවා. එයා කැමති ක්‍රිකට්වලට. දැනට සනත් ජයසූරිය ක්‍රිකට් ඇකඩමි එකේ ඉගෙන ගන්නවා. එයා කලාවට නම් එන එකක් නෑ.

අන්තිමට මොනවද කවින්ද්‍යාට අපේ familylife.lk රසිකයන්ට කියන්න තියෙන්නේ?

මටයි අම්මිටයි තාත්තිටයි ආදරේ කරන හැමෝටම කියනවා හැමදාම ඒ ආදරේ ඒ විදියටම දෙන්න කියලා. ඒ වගේම මගේ අලුත් ෆිල්ම් එක බලලා Comment එකක් දෙන්න කියලා

මෙම ලිපිය ගැන ඔබගේ අවංක අදහස් කමෙන්ට්ස් ඔස්සේ අපට කියන්න. ඔබ වැනිම රසිකත්වය ප්‍රිය කරන තවත් කෙනෙකුගේ රසවින්දනය සඳහා පහත ඇති මාධ්‍ය ඔස්සේ මෙම ලිපිය ෂෙයා කිරීමට අමතක නොකරන්න.

The post මේ සාර්ථකත්වය ගැන ලෝකෙ වැඩියෙන්ම සතුටු වෙන්නෙ මගේ අම්මා appeared first on familylife.

ඉතින් අශාන්ති ළඟදි අලුත් වැඩක් කළා නේද?

ඔව් මගේ අලුත් සිංදුව රිලීස් කළා. ටිකක් කාලය අරන් තමයි මේ සිංදුව රිලීස් කළේ. මොකද මේකට ගොඩක් මහන්සි වෙන්න වුණා. හොඳට කාලය අරන් හොඳ වැඩක් කරන්න පුළුවන් වුණා කියලා හිතනවා. සිංදුව “හැන්දෑවේ” කියලා තමයි නම් කරලා තියෙන්නේ. හැමෝටම ආරාධනා කරනවා මගේ අලුත් සිංදුව අහලා බලලා ප්‍රතිචාර කියන්න කියලා.

මේ සිංදුවේ මාතෘකාව ටිකක් වෙනස් නේද?

ලංකාවේ අපි නොදන්න ලෙඩ රෝග ගොඩක් තියෙනවා. කවුරුත් ඒවා ගැන කථා කරන්නේ නෑ. ඉතින් නොදන්නකම නිසා අවාසනාවන්ත අවසානයක් දකින්න වෙන අවස්ථා බහුලයි. ඉතින් මේ සිංදුවෙන් කථා කරන්නේ අද වෙනකොට ලෝකයේ කාන්තාවන් ගොඩක් මුහුණ දෙන රෝගයක් වෙන ගැබ්ගෙල පිළිකාව ගැන. ඉතින් මේ ගැන සමාජය දැනුවත් කරන්න ඕන හොඳම වෙලාව මේක තමයි කියලා හිතුණා.

විශේෂයෙන්ම මේ රෝගය ගැනම කථා කරන්න හිතුන හේතුව මොකක්ද?

මහරගම අපේක්‍ෂා පිළිකා රෝහලේ වෛද්‍ය චින්තන හපුආච්චි මං හොඳට අඳුරනවා. ඉතින් දවසක් ඩොක්ටර් කිව්වා ගැබ්ගෙළ පිළිකාව ගැන සමාජයේ දැනුවත් බව අඩුයි ඉතින් සමාජය දැනුවත් කරන්න පුළුවන් දෙයක් කරනවා නම් වටිනවා කියලා. ඉතින් මගේ අලුත් සිංදුව කරන්න ඕන කියලා හිතනකොට මගේ ඔළුවට ආවා මේ ගැන මොනවහරි කරන්න පුළුවන් නේද කියලා. එහෙම තමයි හැන්දෑවේ ගීතයට මේ මාතෘකාව තෝර ගත්තේ.

කොහොමද සිංදුවට තියෙන ප්‍රතිචාර

සිංදුව මුලින්ම රිලීස් කළේ සෝෂල් මීඩියා හරහා ඉතින් ප්‍රතිචාර ඒ වෙලාවෙම බලාගන්න පුළුවන් වුණා. ගොඩක් හොඳ ප්‍රතිචාර තියෙනවා. තාමත් ප්‍රතිචාර ලැබෙනවා. හැමෝම කියනවා රැල්ලට අහු නොවුණු ගීතයක් කියලා. ඒ වගේම මියුසික්වලට, වචන වලට ගොඩක් අය කැමතියි කියලා කිව්වා. සාර්ථක ප්‍රතිචාර තියෙනවා.

මේ අතරින් වැඩිපුරම කැමති ප්‍රතිචාරය මොකක්ද?

මගේ ප්‍රේක්‍ෂකයෝ ගොඩක් මට කිව්වා එයාලා ගැබිගෙළ පිළිකාව ගැන දැනගන්න තියෙන පරීක්‍ෂණය කරනවා කියලා. ඉතින් ඒක මං ලබපු හොඳම ප්‍රතිචාරය වගේම හොඳම ජයග්‍රණය.

අශාන්ති මොනවද හිතන්නේ තරු සහභාගී වෙන රියැලිටි ෂෝ ගැන

ඇත්තටම හරි විදියට කළොත් ඒක ගොඩක් හොඳයි. මොකද ප්‍රේක්‍ෂකයෝ අපිව දන්නේ එක අංශයකින් විතරයි නේ. ඉතින් මේ වගේ වැඩසටහනකින් පු`ඵවන් අපිට අපේ විවිධ දක්‍ෂතා අපිට ආදරේ කරන ප්‍රේක්‍ෂකයින්ට පෙන්නන්න.

අශාන්ති සහ රන්දීර් දෙරන ස්ටාර් සිටි Twenty 20 තරගයට සහභාගී වුණා

ඔව් ඒක අපිට ලොකු වෙනසක් වුණා. අපි හැමවෙලාවේම ගොඩක් ප්ලෑන් කළා මොන වගේ ඇක්ට් එකක්ද කරන්න ඕන කියලා. අපි එක එක තේමාවලට ඉදිරිපත් කිරීම් කළා. ප්‍රේක්‍ෂකයෝ හැමදාම දැකලා තිබුණු අශාන්තිටයි රන්දීර්ටයි වඩා වෙනස් දෙන්නෙක්ව දැක්කා. අපි සෙමි ෆයිනල් වටයේදී ගෝල්ඩන් බසර් එක ලබා ගත්තා. ඇත්තටම ඒකෙන් මටයි රන්දීර්ටයි දිනුවා වගේම සතුටක් ඇති වුණා. අවසානයේ අපි දෙන්න දෙවන ස්ථානය ලබා ගත්තා

මේ තරගයට රන්දීර්ගෙන් ලැබුණු සහයෝගය කොහොමද?

රන්දීර්ගෙයි මගෙයි යාලුකමට දැන් අවුරුදු 20 කටත් වැඩියි. රන්දීර් කියන්නේ හොඳ පාර්ට්නර් කෙනෙක්. එයා එක්ක වැඩ කරන්න හරිම ලේසියි.

අලුත් සිංදුවක් කරන්න ඉන්නවා කියලත් ආරංචියි. ඒක මොනවගේ එකක් වෙයිද?

ඒකත් වෙනස් වැඩක්. මේ ගීතයෙන් කථා කරන්නේ අපේ තරුණ කට්ටියට තියෙන ප්‍රෙෂර් එක ගැන. මේ ගීතයත් සමාජයේ ලොකු වෙනසක් කරයි කියලා බලාපොරොත්තු වෙනවා.

ඔබගේ ගීත අතරින් වැඩිම ප්‍රතිචාර ලැබුණේ මොන සිංදුවටද?

එක එක අය කැමති මගේ එක එක සිංදුවලට

අශාන්තිගේ සිංදුවලින් අශාන්ති කැමතිම සිංදුව මොකක්ද?

ඔක්කොටම වගේ කැමතියි. ඒත් මං වැඩියෙන්ම පර්ෆෝම් කරන්න කැමති හන්තානේ ගීතය

අපේ Familylife.lk පවුලෙ කට්ටියට දෙන්න විශේෂ මැසේජ් එකක් තියනවද?

මගේ යූ ටියුබ් චැනල් එක Subscribe කරන්න කියලා මගේ ප්‍රේක්‍ෂකයේ හැමෝටම කියනවා. එතකොට මගේ අලුත් සිංදු ඉස්සෙල්ලාම බලන්න පුලුවන්. ඒ වගේම මාත් එක්ක ඉන්න මගේ ප්‍රේක්‍ෂයින්ව මං ආදරයෙන් මතක් කරනවා.

The post “හැන්දෑවේ” ගීතය වෙනස්ම දෙයක් කරන්න තිබූණු ආශාවේ ප්‍රතිපලයක් appeared first on familylife.