මෙම ක්‍රමය මගින් මුල් සති දෙක, තුන තුල බර අඩුවීම හොදින් සිදුවන නමුත් පසුව නියත බරකට පැමිණ බර අඩුවීම නතර වේ. කැලරි ප්‍රමාණය අඩු කිරීමේ දී මුලින්ම ඉවත් වන්නේ ශරීරයේ ඇති ජල සහ මේද අනුය. නමුත් මෙය සති කිහිපයක් පවත්වාගෙන යාමේදී , ශරීරයේ පරිව්‍රතීය ක්‍රියාවලියන් එම කැලරි ප්‍රමාණයට අනුගත වීම නිසා බර අඩුවීම නවතී. බර අඩුවීම දිගටම පවත්වාගැනීමට නම්, ලබා ගන්නා ආහාර ප්‍රමානය තවදුරටත් අඩු කල යුතුය. නමුත් අධික ස්ථුල තාවය ඇති අයට මෙම ක්‍රමය එතරම් ප්‍රායෝගික නොවේ.

උදාහරණයක් ලෙස, කිලෝ කැලරි 100 ලබාගැනීමට කුඩා චොක්ලට් කැබැල්ලක් ප්‍රමාණවත් වේ. නමුත් එම කිලෝ කැලරි 100 එලවලු වලින් ලබාගන්නේ නම්, සැලකිය ප්‍රමාණයක් ආහාරයට ගත යුතුය.

මෙලෙස කැලරි ගනනය කිරීමේදී, අඩු කැලරි සහිත ආහාර වැඩිපුර ගැනීමෙන් කුසගිනි දැනීම අවම කර ගත හැකි වේ. කැලරි අධික බත්, පාන්, අල වර්ග වැනි ආහාර වර්ගයන්හි ප්‍රමාණය අඩු කර ඒ වෙනුවට එලවලු , පලතුරු , මස්, මාලු වැනි ආහාර එකතු කරගැනීම ඉතා සුදුසුය.

ඇතැම් විට අප ආහාර ගන්නේ කුසගින්න නිසාම නොවේ. මානසික විඩාව , කාන්සිය මගහරවා ගැනීමට ද බොහෝ දෙනෙක් කෙටි ආහාර ලබාගැනීමට පුරුදු වී සිටී. මෙවැනි දේ අවම කරගැනීමට හැකිනම් වඩාත් සුදුසු වන අතර නොඑසේ නම් එවැනි අවස්තාවල දී ද කැලරි අඩු ආහාරයකට හුරුවීම සුදුසු ය.

ආහාරයෙන් ලබාගන්නා වැඩිපුර කාබෝහයිඩ්‍රේට් මේදය ලෙස ශරීරයේ තැන්පත් වේ.

කාබෝහයිඩ්‍රේට් බහුල ආහාර ගැනීමෙන් පසු රුධිරයේ සීනි ප්‍රමාණය අධික ලෙස ක්ෂණිකව ඉහළ  යයි. මෙම සීනි ප්‍රමානය පාලනය කිරීම  සදහා සිරුර තුල ඉන්සියුලින් හෝමෝනය නිපදවීම ශීඝ්‍රයෙන් සිදුවේ. ඉන්සියුලින් මගින් රුධිරයේ සීනි දහනය කිරීම වේගවත්  කරන අතර මේද සෛල වලින් මේද අනු දහනය කිරීම ද නවත්වයි.

තවද, වැඩිපුර කාබෝහයිඩ්‍රේට් මේදය ලෙස සෛල තුල ගබඩා කිරීමට ද සලස්වයි. මෙම ක්‍රියාවලිය නිසා ශරීරය ස්ථුල වන අතරම රුධිරයේ ඇති සීනි දහනය වීම  වැඩි වන නිසා කාබෝහයිඩ්‍රේට් අඩංගු ආහාර ලබාගැනීමට ඇති ප්‍රියතාවය ද වැඩි වේ.

ස්ථුල තාවයේ දී මෙය විශම චක්‍රයක් ලෙස ක්‍රියාත්මක වේ. මෙය නැවත්වීමට නම් කලයුත්තේ කාබෝහයිඩ්‍රේට් අධික ආහාර ගැනීම අවම කිරීමයි. ආහාරයේ කාබෝහයිඩ්‍රේට් අවම කර ඒ වෙනුවට ප්‍රෝටීන් සහ මේද සහිත ආහාර එක්කර ගැනීම සුදුසුය. මස්, මාලු, යොදය රහිත කිරි, එලවලු සහ පලතුරු යනාදිය ආහාරයට එකතු කරගැනීම වඩාත් සුදුසුය.

ආහාරවල  හිතකර මේදය සහ අහිතකර  මේදය ලෙස කොටස් දෙකකි. අලිගැටපේර, කජු , සෝයා කිරි, මාලු යනාදියෙහි හිතකර මේදය බහුලව ඇත.

වෙලදපොලේ ඇති මේද රහිත යෝගට් , කිරි ආදිය මිලදී ගැනීමේදී  එහි අඩංගු කාබෝහයිඩ්‍රේට් ප්‍රතිශතය  ගැනද සැලකිලිමත් විය යුතුය . ඇතැම්විට මේද රහිත නිශ්පාදනවල රස වැඩි කිරීම සදහා බහුල ලෙස සීනි යොදයි. එවැනි නිශ්පාදන වලින් ශරීරයට එකතු වන කැලරි ප්‍රමාණය අධිකය.

කුමන අන්දමේ ආහාර පාලන රටාවක් අනුගමනය කල ද එය දිගුකාලීනව පවත්වාගැනීමට අවශ්‍ය මානසික සමතුලිතතාවය තිබීම අනිවාර්යය.

 

වැඩ කරන අතරතුර , රූපවාහිනී නැරඹීම හෝ පොත් කියවීම අතරතුර ආහාර ගැනීම සිදු නොකල යුතුය. එසේ කිරීමේදී නොදැනුවත්ව වැඩි ආහාර ප්‍රමාණයක් ගනී. ආහාරයේ රස , සුවද විදිමින් සෙමින්  ආහාර ගැනීම සුදුසුය . මෙහිදී ලබාගන්නා ආහාර ප්‍රමාණය නිතැතින්ම අඩු වේ.

බොහෝ විට ශරීරයට ජලය අවශ්‍ය වූ විට ද කුසගින්නක් ලෙස දැනිය හැකිය . නමුත් අවශ්‍ය වන්නේ ජලය පමනයි . කුසගින්නක් දැනුන විට ජලය පානය කර කුසගින්න නිවේදැයි බලන්න .

අවම වශයෙන් පැය හතක්වත් නිදන්න.

එක් තැනක බොහෝ වේලාවක් රැදීසිටීම අඩු කල යුතුය.

බර අඩුවීම දැකීම දිරිගන්වන සුලුය.

තමා අදින්නට කැමති ඇදුම් ඇදීමට හැකිවීම, ක්‍රීඩාවකට යොමුවීමට හැකි වීම වැනි දේ පිලිබඳව බලාපොරොත්තු සහගත වන්න.