මොකක්ද මේ බෙල්ලේ කැක්කුම

සර්වයිකල් ස්පොන්ඩිලෝසිස් නම් රෝගී තත්ත්වය හේතුවෙන් හටගන්නා වේදනාවක් ලෙස මේ තත්ත්වය හැඳින්විය හැකියි. බෙල්ලේ පිටුපස පිහිටි ග්‍රයිවී කශේරුකා අතර ඇති අන්තර් කශේරුකා මඬල දිරාපත් වීමෙන් ග්‍රයිවී කශේරුකා එකිනෙකට ලං වීම හේතුවෙන් ඇති වෙන ස්නායු තෙරපීම නිසයි මේ තත්ත්වය හටගන්නේ.

අපේ සිරුරේ කශේරුකාවේ ඇති ඉහළම චලන සිදු වන්නේ ග්‍රයිවී කශේරුකා අතර. ඉතින් මේ කශේරුකා අතර නිතර නිතර සුළු සුළු අනතුරු සිදු වෙනවා. මේ හේතුවෙන් කුඩා අස්ථි කැබලි එහෙමත් නැත්නම් ඔස්ටියෝෆයිට්ස් (Osteophytes) කශේරුක දාරවල සෑදීම නිසා සුෂුම්නාව හෝ ඉන් හටගන්නා ස්නායු තෙරපීමට ලක්වෙනවා.

මේ තත්ත්වය මත සිදුවන ස්නායු තෙරපීම නිසා බෙල්ලේ වේදනාව, බෙල්ලේ සිට අතට දිවයන වේදනාව, හිරිවැටීම, මාංශ පේශි දුර්වල වීම යන තත්ත්වයන් ඇති වෙන්න පුළුවන්. ඒ වගේම කශේරුක ධමනිය තෙරපීමට ලක්වුවහොත් හිසේ කැක්කුම, දෑස් අඳුරු වී ක්ලාන්තය ඇති විය හැකි අතරම Vertebral bassilar insuffiencyZ නමින් හඳුන්වන තත්ත්වයත් ඇතිවිය හැකියි.

බෙල්ලේ වේදනාවට භෞතචිකිත්සක ප්‍රතිකාර

• තාපය මගින් ප්‍රතිකාර ලබාදී වේදනාව හා මාංශ පේශිවල තද ගතිය නැති කළ යුතුය. ඒ සඳහා අධෝරක්ත කිරණ (Infra red) හෝ කෙටි තරංග (Short Wave) ලබාදිය හැක.
• ඉන් පසු කශේරුකාව අවට පේශීන් ඉහිල් කරන ව්‍යායාම කළ හැක. මේ සඳහා ස්ථිති ව්‍යායාම (Static exercises) කළ යුතුය.

තාප ප්‍රතිකාරවලින් වේදනාව අඩු නොවුණහොත්

• තවත් විද්‍යුත් චිකිත්සක ප්‍රතිකාරයක් වන ඉන්ටර්ෆැරැන්ෂල් ප්‍රතිකාරය (Interferential) මගින් වේදනාව ඉවත් කළ හැක. ඉන් පසු බෙල්ල අවට මාංශ පේශීන් ශක්තිමත් කරන ව්‍යායාම (Strengthening exercise) කිරීමෙන් ඉදිරියට මේ රෝගී තත්ත්වය පාලනය කරගත හැක.
• අන්තර් කශේරුක මඩල දිරාපත් වීමෙන් කශේරුකා අතර පරතරය අඩු වී සුෂුම්නා ස්නායු තෙරපෙන අවස්ථාවක් නම් භෞතචිකිත්සාවේ යෙදෙන සර්වයිකල් ට්‍රැක්ෂන් (cervical traction) ලබාදීමෙන් එම තෙරපීම ඉවත් කර රෝගියාට සහනය ලබාදිය හැක.
• එසේම සර්වයිකල් කොලරයක් පැලැඳීම මගින් හිසේ බර කොඳු ඇට පෙළ දිගේ පරිවහනය අඩු කර නිකට හරහා පර්ශු කූඩුව තුළට ගමන් කර විය හැක. එවිට අන්තර් කශේරුක මඩලවලට යෙදෙන පීඩනය අඩු වී ඒවාට පහසුවක් දැනේ. තෙරපීම අඩු වී රෝග ලක්ෂණද අඩු වේ.
• මෙහිදී අවධානයට ගත යුතු වැදගත්ම කරුණක් නම් දීර්ඝ කාලයක් මේ සර්වයිකල් කොලරය පලඳිනවා නම් අනිවාර්යෙන්ම බෙල්ල අවට මාංශ පේශීන් ශක්තිමත් කරන ස්ථිති ව්‍යායාම කළ යුතු බවයි. නැතහොත් ගෙලේ චලනය සීමා වන බැවින් ගෙල අවට මාංශ පේශින් සිහින් වී දුර්වල වී යා හැක. ගෙල නොසොල්වා පේශීන් පමණක් සංකෝචනය කරන ව්‍යායාම මෙයට සුදුසුය.

තමාට ගැළපෙන කොලරය තෝරා නොගතහොත් බලාපොරෙත්තු වන ප්‍රතිපලය හිමි නොවන අතරම කොලරය තෝරාගැනීමේදී රෝගියාගේ බෙල්ල අවට මිනුම් ලබාගෙන කොලරය සාදා ගැනීම සුදුසුය.

රෝගී තත්ත්වයෙන් පෙළෙන්නෙකු,

• ප්‍රමාණයට වඩා හිස ඉදිරියට නැවීමත් හිස ඉහළට එසවීමත් නොකළ යුතුය.
• නිතර පොත් පත් කියවන්නෙකු නම් තම පොත තම ඇස් මට්ටමට ගෙන කියවිය යුතුය.
• කොට්ටයක් නොමැතිව නිදා ගැනීම වඩා සුදුසුය. අවශ්‍යනම් ඉතා තුනී කොට්ටයක් භාවිත කළ යුතුය.
• පැත්තකට හැරී නිදා ගන්නා විට උරහිස හා හිස අතර පරතරයට කොට්ටයක් තබා ගන්න.
• තවද කිසිම විටක හිස මත බර ගෙන යාම හෝ ඔළුවෙන් සිට ගැනීම ආදී ව්‍යායාම නොකළ යුතුය.

සර්වයිකල් ස්පොන්ඩිලෝයිස් රෝගියකුට සුදුසු ව්‍යායාම

1. තම දෑත් නළල මත තබන්න. ඉන්පසු නළලෙන් ශක්තිය ගෙන අත්ල තෙරපන්න. නළලෙන් ගන්නා ශක්තියට සමාන ශක්තියක් අත්ල මගින් ගත යුතුය. එවිට හිසේ චලනයක් සිදු නොවේ. ගෙල අවට පේශීන් හොඳින් සංකෝචනය වේ. එසේම හොඳින් ඉහිල් වේ. මෙමගින් පේශියේ ඇති දරදඬු භාවය අඩු වනවා මෙන්ම පේශිය ශක්තිමත්ද වේ.

2. පළමු ව්‍යායාමය ලෙසටම අත්ල හිසේ පිටුපසට තබා තෙරපන්න. ඉහිල් කරන්න.

3. හිසේ දෙපැත්තට වරින් වර අත්ල තබා තෙරපන්න. ඉහිල් කරන්න.

මෙම ව්‍යායාම එක් වතාවකට එක් ව්‍යායාමයක් ලෙස 10 වතාවක් දිනකට 3වරක් බැගින් දිගටම මාසයක් පමණ දිනපතා කරන්න. එවිට මෙම රෝගී තත්ත්වය පාලනය වේ.

ඔබ වැනිම දැනුම අවැසි තවත් කෙනෙකු දැනුවත් කිරීම සඳහා පහත ඇති මාධ්‍ය ඔස්සේ මෙම ලිපිය ෂෙයා කිරීමට අමතක නොකරන්න.

The post අහක බැලුවොත් වැඩ වරදින බෙල්ලේ කැක්කුම ගැන හරියට දැනගන්න appeared first on familylife.

අපගේ රුධිරය සෑදී තිබෙන්නේ රතු රුධිරාණු, සුදු රුධිරාණු සහ රුධිර පට්ටිකා යන සෛලමය කොටස් සහ ප්ලාස්මාව යන දියරමය කොටස මගිනි. රතු රුධිරාණු මගින් අවශ්‍ය ඉන්ද්‍රියයන් කරා ඔක්සිජන් සැපයීමත් සුදු රුධිරාණු මගින් ශරීරය වීෂබීජවලින් ආරක්‍ෂා කිරීමත් සිදු කෙරෙන අතර රුධිර පට්ටිකා මගින් අනවශ්‍ය ලේ ගැලීම්වලින් ශරීරය ආරක්‍ෂා කරනු ලැබේ.

ඉහත සෛල වර්ග සහ රුධිර පට්ටිකා නිපදවෙන්නේ අස්ථිවල මැද කොටසේ ඇති ඇටමිදුළුවලය. මේවා ක්‍රමයෙන් පරිණත සෛල බවට පත් වේ. ඇටමිදුළුවල මුලින්ම නිපදවෙන නොමේරූ සෛල, බ්ලාස්ට් (Blast Cells) ලෙස හැඳින්වේ. මෙම නොමේරූ සෛල ක්‍රම ක්‍රමයෙන් පරිණත සෛල බවට වර්ධනය වේ.

සමහර අවස්ථාවල දී මෙම බ්ලාස්ට් සෛල සාමාන්‍ය පරිණත සෛල බවට වර්ධනය නොවී අසාමාන්‍ය සෛල බවට පත්වේ. මෙලෙස ඇටමිදුළු තුළ නිපදවෙන නොමේරූ රුධිර සෛල අසාමාන්‍ය ලෙස වර්ධනය වී රුධිරයට මුදාහැරීම නිසා ඇතිවන තත්ත්වය ඛැමනැපස් ලෙස හැඳින්වේ.

මෙම නොමේරූ සෛල විශාල ප්‍රමාණවලින් හටගන්නා අතර එම සෛලවලට ස්වාභාවික සෛලවලින් සිදු කරන කාර්යයන් කිරීමට නොහැකිය. එසේම මෙලෙස හටගන්නා අසාමාන්‍ය සෛල ඇටමිදුළුවල එක්රැස් වීම නිසා සාමාන්‍ය සෛල නිපදවීමට ද බාධා ඇති වේ.

සමහර ලියුකිමීයා වර්ග ඉතා ඉක්මණින් වර්ධනය වන අතරම ඒවා Acute Leukemia ලෙසද සෙමෙන් වර්ධනය වන වර්ග Chronic Leukemia ලෙස ද හඳුන්වනු ලැබේ. මීට අමතරව එම ලියුකිමීයාව සෑදී ඇති රුධිරාණු වර්ගය අනුව Myeloid iy Lymphoblastic ලෙස වර්ග කිරීමට පුළුවන. මේ ආකාරයට ලියුකිමීයා වර්ග Acute Lymphoblastic Leukaemia (ALL), Chronic Lymphocytic Leukaemia (CLL), Acute Myeloid Leukaemia (AML), Chronic Myeloid Leukaemia (CML) ලෙස ප්‍රධාන වශයෙන් කාණ්ඩ 4 කට බෙදා දැක්විය හැකිය.

කුඩා දරුවන්ට වැළඳෙන පිළිකා අතරින් වැඩි ප්‍රමාණයක් Acute Leukaemia වර්ග වේ. ඒ අතරින්ද Acute Lymphoblastic Leukaemia (ALL) වර්ගය කුඩා ළමයි අතර බහුල වශයෙන් දක්නට ලැබෙන වර්ගය ලෙස සඳහන් කළ හැකිය.

ලියුකිමීයා රෝගය සෑදීමට හේතු මොනවාද?

ලියුකිමීයාව ඇති වීම සඳහා නිශ්චිත හේතූ සඳහන් කිරීම අපහසුය. සමහර ජානගත රෝග ඇති පුද්ගලයන්ට ලියුකිමීයාව සෑදීමට වැඩි සම්භාවිතාවක් ඇති බව සොයාගෙන ඇත. උදාහරණ ලෙස ඩවුන්ස් සහ ලක්‍ෂණය සහිත දරුවන් දැක්විය හැකිය.
අනවශ්‍ය ලෙස විකිරණවලට නිරාවරණය වීම තවත් එක් අවදානම් සාධකයක් ලෙස සඳහන් කළ හැකිය. පරමාණු අනතුරුවලට ලක් වී දිවි බේරාගත් අය පසුව ලියුකිමීයාවට වැඩිපුර ගොදුරු වූ බව සොයාගෙන ඇත. Benzene වැනි සමහර රසායන ද්‍රව්‍යවලට නිරාවරණය වීම මෙන්ම පිළිකා සඳහා ප්‍රතිකාර වශයෙන් යොදාගන්නා සමහර ඖෂධ නිසාද පසුකාලීනව ඉතා කලාතුරකින් ලියුකිමීයාව හටගත හැකිය.
සමහර වෛරස ආසාදනවල පසුකාලීනව සංකූලතාවයක් ලෙසද කලාතුරකින් ලියුකිමීයාව ඇති වීමට ඉඩ තිබේ.
උදා: HTLV (Human T Cell Lymphotropic Virus)

ලියුකිමීයා රෝගයේ රෝග ලක්‍ෂණ මොනවාද?

ඉක්මණින් වර්ධණය වන  Acute Leukemia වර්ග සහිත රෝගීන් අතර රෝග ලක්‍ෂණ බොහෝ විට කලක් ඇතුළත දක්නට ලැබේ.

• දින ගණනක් පවතින උණ
• කුද්දෙටි ඉදිමීම
• ඇඟේ ලේ පැල්ලම් ඇති වීම
• විදුරුමස්නා
• සය සහ මුත්‍ර මාර්ගයෙන් ලේ පිට වීම
• ඇඟ සුදුමැලි වීම

ආදී රෝග ලක්‍ෂණ බොහෝ විට දක්නට ලැබේ.

• සමේ ආසාදන
• බඩ ඉදිමීම
• අසූචි තද කළු පැහැයෙන් පිට වීම
• විදුරුමස් ඉදිමීම (Gum Hypertrophy)
• පිරිමින් ගේ වෘෂණ ඉදිමීම

සමහර අවස්ථාවල දී දක්නට ලැබේ. Acute Leukemia රෝගීන් හඳුනාගනු ලබන අවස්ථාවේදී ඔවුන් බොහෝ විට දුර්වල සෞඛ්‍ය තත්ත්වයක පසු වන බාහිරින් පෙනෙන්නට තිබේ.

Chronic Leukemia සහිත රෝගීහූ බොහෝ විට රෝග ලක්‍ෂණ බාහිරින් නොපෙන්වති. සමහර විටෙක වසර 2 ක් 3 ක් පමණ යන තුරුම රෝග ලක්‍ෂණ දක්නට නොලෙැබේ. එබැවින් මෙවැනි රෝගීන් බොහෝ විට හඳුනාගනු ලබන්නේ වෙනත් රෝගාබාධ සඳහා පරීක්‍ෂා කරනු ලබන අවස්ථාවලදීය. එහෙත් රෝගය යම් කාලයක් පැවතුන විට

• අධික මහන්සිය (Fatigue)
• කුද්දෙටි ඉදිමීම
• බඩ ඉදිමීම
• හන්දිපත් අමාරුව

ආදී රෝග ලක්‍ෂණ පෙන්නුම් කෙරේ.

ඔබ වැනිම දැනුම අවැසි තවත් කෙනෙකු දැනුවත් කිරීම සඳහා පහත ඇති මාධ්‍ය ඔස්සේ මෙම ලිපිය ෂෙයා කිරීමට අමතක නොකරන්න.

The post ඇඟේ ලේ වතුර කරන ලියුකීමියා (Leukemia) රෝගය ගැන දන්නවාද? appeared first on familylife.

වයස අවුරුදු 60 – 65 වයස් සීමාවේදී ස්ත්‍රී/පුරුෂ දෙපක්‍ෂයටම මොළයේ ඇති විය හැකි රෝග තත්ත්වයක් ලෙස පාකින්සන් රෝගය හැඳින්විය හැකිය. මොළයේ ක්‍රියාකාරිත්වය සහ සම්බන්ධීකරණය පවත්වාගෙන යාම සඳහා අවශ්‍ය වන ඩොපමින් නම් රසායනිකය නිපදවන සබ්ස්ටැන්ෂියා නයිග්‍රා නම් ස්නායු සෛල අඩපණ වීම හෝ එම ස්නායු සෛල සංඛ්‍යාව ප්‍රමාණයෙන් අඩු වීම මෙයට හේතුව ලෙස දැක්විය හැකිය.

ඩොපැමින් නම් රසායනිකය අඩු වූ විටදී ශරීරයේ මාංශ පේශීන් ක්‍රමවත්ව ක්‍රියා නොකරයි. මෙම රෝගයට ගොදුරු වූ විටදී එම පුද්ගලයාගේ චාලක ක්‍රියාවන් ක්‍රමවත්ව සිදු නොවන අතර කථනය හා අනෙකුත් ක්‍රියා ද අඩපණ වීම සිදු වේ. මෙය චලන රෝගී තත්ත්වයන් අතර එන එක් රෝගයකි. මෙම රෝග තත්ත්වයේ අවස්ථා කිහිපයකි.

• ප්‍රාථමික පාකින්සෝනිත්වය 

මෙය පාකින්සන් රෝගයේ මුල් අවධිය වන අතරම ජානමය විකෘති හේතුවෙන් ඇති වන තත්ත්වයකි.

• ද්විතීයීක පාකින්සන් රෝගය

ඖෂධ වර්ග, හිසට ඇති වූ තදබල පහරදීම් සහ වෙනත් රෝග තත්ත්වයන් මත මේ තත්ත්වය ඇති විය හැකිය.

පාකින්සන් රෝගයේ රෝග ලක්ෂණ

• මස් පිඬු තද වීම – මෙහිදී මස්පිඬු තද වීම හේතුවෙන් අත් පා හැසිරවීම අපහසු (Rigidity) වන අතරම මෙම තද වීම දෙයාකාරයි.
• තඹ බටයක් නවන විට සමාන ආකාරයෙන් තද වීම එක දිගට එක ආකාරයෙන් පවතියි. (Led Pipe Rigidity)
• දැති රෝදයක් කරකවන විට පැන පැන යන ආකාරයෙන් තද ගතිය අඩු වැඩි වී පවතියි. (Cogwheel Rigidity)
• අත්වල ඇඟිලි වෙව්ලීම. (Tremour) – මේ තත්ත්වය වඩාත් සිදු වන්නේ යම් කාර්යයක නිරතව සිටින විටදීය.
• හැඟීම් පළ නොවීම. උදා :- සිනහවීමට ප්‍රමාද වීම. කෙනෙකු ඉදිරියට එන විට එම තැනැත්තා තමා සමග සිනහ වුවද තමාට එම තැනැත්තා සමග සිනහ වීම ආරම්භ වීමට ටික වේලාවක් ගත වේ. එවිට එම තැනැත්තා ඔහු පසු කර ගොස් අවසන්ය. මුහුණේ හැඟීම් පළ නොවන නිසා වෙස් මුහුණක් ලෙස මෙම මුහුණ හැඳින්වේ.
• සිරුරේ චලනවල වේගය අඩු වීම.
• කෙටි පියවර තබමින් කකුල් ඇද ඇද ගමන් ගන්නා මොවුන් එකවර නවත්වා ගැනීම අපහසුය.
• සිහි කල්පනාව අඩු වීම.
• භාෂාවේ දුර්වලතා
• කටින් කෙළ වැගිරීම
• ඇවිදීමේදී කුදු ස්වභාවයක් ඇති වීම.
• අධික මහන්සිය
• මලබද්ධය
• අකුරු ලියන විට ටික ටික කුඩා වී එකිනෙක බැඳේ.

පාකින්සන් රෝග තත්ත්වයේ අපහසුතා මගහරවා ගැනීමට භෞතචිකිත්සාව හරහා සිදුකෙරෙන ප්‍රතිකාරමය ව්‍යායාම

• සමායෝජක ව්‍යායාම
• සන්ධි චලනය කරවන ව්‍යායාම
• පේශී ශක්තිමත් කරන ව්‍යායාම
• ඇවිදීම පුරුදු කරන ව්‍යායාම
• මනස සංයමයට පත්කරන ව්‍යායාම

ලොව සුපතල පාකින්සන් රෝගියා

මොහොමඞ් අලී (1942 – 2016)
විසිවන සියවසේ ක්‍රීඩා ලෝකයේ දැවැන්තම චරිතය වූ කැෂියස් ක්ලේ හෙවත් මොහොමඞ් අලී එතෙක් මෙතෙක් ලොව බිහිවූ අග්‍රගණ්‍ය බොක්සිං ක්‍රීඩකයා ලෙස හැඳින්වේ. 1942 ජනවාරි 17වනදා ඇමරිකාවේදී උපන් ඔහු 2016 වසරේ ජූනි 3 වනදා මිය යන තුරුම පුවත් මවන්නෙකු වී සිටියේය. ඒ ඔහුගේ ක්‍රීඩා ජීවිතයේ හැලහැප්පීම් මෙන්ම පසුකාලීනව ඔහු පෙළුණු රෝගී තත්ත්වය හේතුවෙනි. 1984 වසරේ සිට ඔහු පාර්කින්සන් රෝගයෙන් අඩපණ වන්නට පටන් ගත්තේය. වසර 32 කට ආසන්න කාලයක් මෙම රෝගයෙන් පීඩා විඳි ඔහුට මෙම රෝගය වැළඳීමට හේතුව ලෙස වෛද්‍යවරුන් නිෂ්චය කරනු ලැබුවේ ඔහු ක්‍රීඩා කරන සමයේ හිසට වැදුණු පහරකින් හටගත් මොළයේ අබාධයක් බවයි.

ඔබ වැනිම දැනුම අවැසි තවත් කෙනෙකු දැනුවත් කිරීම සඳහා පහත ඇති මාධ්‍ය ඔස්සේ මෙම ලිපිය ෂෙයා කිරීමට අමතක නොකරන්න.

The post වැඩිහිටි අපි කාටත් නොසිතන ලෙස ළඟා විය හැකි අඩපනකරුවා – පාකින්සන් appeared first on familylife.

මේ කියන්න යන්නෙත් එවැනි සුවිශේෂී වාසි යටතේ මුළු පවුලටම හොඳම නිමි ඇඳුම් මිලදී ගන්න පුළුවන් විශ්වාසවන්ත තැනක් ගැන. අවුරුදු 30කටත් අධික කාලයක ඉඳලා කොළඹ නගරයේ සියල්ලන්ටම ඉතාමත් ඉහළ තත්ත්වයේ නිමි ඇඳුම් ලබාගන්න හොඳම තැන විදිහට ප්‍රසිද්දියක් උසුලන තිඅන්ග්‍රා THIANGRA නිමි ඇඳුම් ප්‍රදර්ශනාගාරය පිහිටලා තියෙන්නෙ තිඹිරිගස්යාය මාවතේ (පූජ්‍ය මුරුත්තෙට්ටුවේ ආනන්ද හිමි මාවත) අංක 70 දරණ ස්ථානයේ කියල බොහෝ දෙනෙක් දන්නව. ඉතාමත් හොඳ පාරිභෝගික සත්කාරයක් සහිත තියන්ග්‍රා ප්‍රදර්ශනාගාරය නවීකරණයට ලක් කරමින් තව තවත් පාරිභෝගියන්ට පහසුවෙන් තමන්ගේ සාප්පු සවාරියේ යෙදෙන්නට අවස්ථාව සලසා දී තිබෙනවා.

තිඅන්ග්‍රා THIANGRA එන බොහෝ දෙනෙක් දන්න කාරණයක් තමයි අපි විදේශයන් හීදී මිලදී ගන්න ඇඳුම් වලට සමාන, විලාසිතා අතින් උසස් හොඳම තත්ත්වකරනයක් ඇති නිමි ඇඳුම් තියන්ග්‍රා හි පිරිල තියෙනව කියන එක. අපි සාමාන්‍යයෙන් කියන බ්‍රෑන්ඩඞ් ඇඳුම් වලට සමාන තත්ත්වකරනයක් යටතේ දේශියව නිපදවා ශ්‍රී ලාංකික පාරිභෝගිකයන්ට දැරිය හැකි මිල ගනන් වලට ලබා ගන්න ඇති හැකියාව මෙතරම් පාරිභෝගික පිරිසකගේ විශ්වාසය දීර්ඝ කාලයක් තිස්සේ පවත්වා ගන්න හේතු වූ බව රහසක් නොවෙයි.

මෙවර උත්සව සමය වෙනුවෙන් සුවිශේෂී වට්ටම් යටතේ මුලු පවුලටම ඇඳුම් ගන්න තිඅන්ග්‍රා THIANGRA අවස්ථාව සලසා දී තිබෙනවා. උසස් තත්ත්වයේ නිමි ඇඳුම් ගැන සැලකිලිමත් වන ඔබට ගෙවන මිලට නියම වටිනාකමක් සහිත නිමි ඇඳුම් එකතුවක් මෙවර තිඅන්ග්‍රා THIANGRA ඉදිරිපත් කර තිබෙනවා. විශේෂයෙන් ලොව නවතම විලාසිතා ප්‍රදර්ශන සඳහා නිමවා ඇති විලාසිතා නිර්මාණ අනුව මසන ලද කාන්තාවන්ගේ නිමි ඇඳුම් එකතුවට මේ වන විටත් ඉහල පාරිභෝගික ඉල්ලුමක් හිමිව තිබෙනවා.

ඔබට ලැබෙන සුවිශේෂී වාසි අතර විවිධ ඇඳුම් කාණ්ඩ සඳහා විවිධ වට්ටම් ලබා දී තිබෙනවා. මෙම වාසි ලබා ගැනීමට නම් ඔබත් අදම තිඅන්ග්‍රා THIANGRA වෙත ගොස් බැලිය යුතුමයි. සාධාරනය මුදලකට තත්ත්වයෙන් ඉහලම නිමි ඇඳුම් ලබා ගැනීමට කොළඹ නගරයේ නම් දැරූ තිඅන්ග්‍රා THIANGRA ප්‍රදර්ශනාගාරයට මේ උත්සව සමයේ ගොඩවදින්න. එසේ ගොඩවදින ඔබට තෘප්තිමත් සාප්පු සවාරියක් රස්තියාදුවකින් තොරව නිමා කරගන්නට අවස්ථාව සැලසෙන බව නම් අපට සහතික කිවහැකියි.

මේ සුවිශේෂී දීමනා හා වට්ටම්පි ළිබඳ විස්තර 011 2 581 491 හෝ 011 2 505 095 මගින් තිඅන්ග්‍රා THIANGRA පාරිභෝගික සත්කාරක අංශය ඇමතීමෙන් ඔබට දැනගන්න පුළුවන්.

ඔබේ හිතවතුන්ටත් මෙම වාසි ගැන දන්වන්න පහත මාධ්‍ය ඔස්සේ මෙම ලිපිය ෂෙයා කිරීමට කාරුණික වන්න.

The post පහසු මිලට බ්‍රෑන්ඩඩ් ඇඳුම් ගන්න හොඳම තැන මෙන්න… appeared first on familylife.

ශ්‍රී ලංකාවේ විශාලතම පාවහන් ප්‍රදර්ශණාගාරය ලෙස සැලකෙන මීගමුවේ පිහිටි සිවුමහල් හෙලන්කා පාවහන් ප්‍රදර්ශණාගාරය වගේම ඔවුන්ගේ අනෙකුත් ප්‍රදර්ශනාගාර සියල්ලම මේ වන විට උත්වස සමය වෙනුවෙන්ම සකසන ලද නවීන විලාසිතාවේ පාවහන් වලින් පිරී ගිහින්. විශේෂයෙන්ම ලෝකයේ හොඳම විලාසිතාවේ පාවහන් ඇති බොහෝ නගරයන්ගෙන් ආනයනය කළ පාවහන් එකතුව ලංකාවේ දකින්න පුළුවන් වෙන්නෙ හෙලන්කා ප්‍රදර්ශනාගාර වල පමණයි. ඒ නිසා පාවහන් ගන්න බැංකොක්, සිංගප්පූරුවට ගිය බොහෝ දෙනා දැන් ඉස්සෙල්ලම එන්නෙ හෙලන්කා ප්‍රදර්ශනාගාර වෙතටයි. ආනයනික පාවහන් වගේම අපනයන තත්ත්වයේ දේශීය පාවහන් විලාසිතාත් හෙලන්කා ප්‍රදර්ශනාගාර වල අඩුවක් නෑ. මේ හින්ද හෙලන්කා වෙත එන ඕනෑම පාරිභෝගිකයෙකුට තෝරා ගැනීමට ඕනෑතරම් මාදිලි තිබෙන නිසා එය පාරිභෝගිකයාගේ තෝරා ගැනීමේ නිදහසට සියයට සියයක සාධාරනයක් ඉටු කරනවා. ඉතිං අපි දැන් බලමු හෙලන්කා ප්‍රදර්ශනාගාර මගින් ඔබට ලබාදෙන වාසි මොනවගේද කියල.

බාගෙට බාගයක් අඩුවට

ඔවුන්ගේ වසරාවසාන වෙළඳ ප්‍රවර්ධන වැඩසටහන වන “කුට්ටම් වට්ටම්” මේ වන විටත් ඇරඹිලා තියෙන්නෙ. කුට්ටම් වට්ටම් කියන නමින්ම ඔබට තේරුම්ගියා වගේම මේ දවස් වල අදහගන්න බැරි තරම් ලොකු වට්ටම් හෙලන්කා වෙතින් ඔබට ලබාගන්න පුළුවන්. කොටින්ම කියනව නම් තෝරාගත් පාවහන් බාගෙට බාගයක් අඩුවට ඒ කියන්නෙ සියයට පනහක වට්ටම් යටතේ ඔබට ලබාගන්න පුළුවන්. බොහෝ තැන් වල වට්ටම් ලැබෙන්නෙ පරණ තොග වලට වුනත් හෙලන්කා වෙත එන ඔබට මෙම වට්ටම් නවතම පාවහන් වලට ලබාගන්න පුළුවන් වීම විශේෂයක්. හැම සපත්තු කුට්ටමකට වගේම වට්ටමක් අදාල වෙලා තියෙන හින්ද ඇත්තෙන්ම කුට්ටම් වට්ටම් නමටම ගැලපෙන වාසියක් කියල කියන්න පුළුවන්.

රුපියල් දහසක් දක්වා හෙලන්කා තෑගි වවුචර්

පාවහන් වලට වට්ටම් ලැබෙනව වගේම ඔබ රුපියල් 5000කට වඩා මිලදී ගැනීමක් කලොත් ඔබට රු.500 ක හෙලන්කා තෑගි වවුචරයක් ලබාගන්නත් පුළුවන්. ඔබගේ බිල්පතේ වටිනාකමේ විදිහට රු.1000 ක් දක්වා මෙම වවුචර්පත් ලබාගැනීමට ඔබට අවස්ථාව තිබෙනවා. තමන්ගෙ යාළුවෙකුට, නෑදෑයෙකුට තෑගි කරන්නත් මෙම වවුචර් පත් ඔබට යොදාගන්න පුළුවන්. පස්සෙ වෙලාවක තමන්ටම පාවහන් ගන්න ඕනෙ නම් එකතු කරල තියාගන්නත් පුළුවන්.

පාසැල් පොත් කට්ටලයක් නොමිලේ

ඔන්න දැන් කියන්න යන්නෙ හෙලන්කා වෙතින් අපේ පොඩ්ඩන්ට ලබා දෙන තවත් වාසියක් ගැනයි. මේ පාසැල් යන දූ දරුවන් වෙනුවෙන් හෙලන්කා ලබාදෙන වාසියක්. කොහොමත් අලුත් අවුරුද්දෙ අලුත් පන්තියට යන්න පාසැල් යන දූ දරුවො අලුත් සපත්තු මිලදී ගන්න එක සාමාන්‍ය දෙයක්නෙ. ඉතිං හෙලන්කා වෙතින් පාසැල් පාවහන්, මේස්, පාසැල් බෑග්, කෑම පෙට්ටි, වතුර බෝතල්, පෙන්සිල් කේස් ආදී මෙකි නොකී හැම දේම මිලට අරගෙන ඔබේ බිල්පත රු.3000 කට වැඩි වුනොත් අගනා පාසැල් පොත් කට්ටලයක් නොමිලේම ඔබට ලබාගන්නත් අවස්ථාව තිබෙනවා. ඔන්න එතකොට ආයිත් පොත් ගන්න රස්තියාදු වෙන්න දෙයකුත් නෑ.

ඉතිං මේ වගේ වාසි ගොඩක් එක්ක ක්‍රියාක්මක වෙන හෙලන්කා කුට්ටම් වට්ටම් වැඩසටහන මීගමුව, අවිස්සාවේල්ල, හොරණ කියන නගර වල පිහිටි හෙලන්කා ප්‍රදර්ශනාගාර වල දෙසැම්බර් 31 වනදා දක්වා ක්‍රියාත්මක වනවා. නොමිලේ ලබාදෙන පොත් කට්ටලය ජනවාරි මාසෙ 13 වනදා දක්වාම ඔබට ලබාගන්න පුළුවන්. තව දුරටත් වැඩි විස්තර අවශ්‍යනම් 072 777 4444 හොට්ලයින් එකට කතා කරල හරි වට්ස්ඇප් , වයිබර් මගිනුත් ලබාගන්න පුළුවන්

උත්සව සමයට පාවහන් ගන්න කාටත් මදි නොකියන්න ලැබෙන මේ වාසි ගොඩ අත්කරගන්න අදම මේ නගර තුනේ අවට පිරිසට අපි ආරාධනා කරනවා. ෆැමිලි එකටම පාවහන් ගන්න පුළුවන් මේ වගේ තැනකින් ලැබෙන වාසි ගොඩක් ගැන අපේ යාළුවන්ට නොකිය කොහොමද. ඔන්න අපි අපේ වගකීම ඉටු කළා. ඉක්මනට ගිහින් මේ වාසි අත්විඳින්න.

ඔබේ හිතවතුන්ටත් මෙම වාසි ගැන දන්වන්න පහත මාධ්‍ය ඔස්සේ මෙම ලිපිය ෂෙයා කිරීමට කාරුණික වන්න.

The post අලුත් අවුරුද්දට සපත්තු ගන්න අයට මදි නොකියන්න වාසි ගොඩක් appeared first on familylife.

01. දරුවාගේ ශරීර උෂ්ණත්වය පවත්වා ගැනීම

දරුවා සෑම වෙලාවකම වියළිව තබාගැනීමට මව වගබලා ගත යුතුය. පරිසරය සිසිල් නම් දරුවා එතීමට පෙර රෙදි උණුසුම් කරගත හැකි නම් (අයන් කිරීම) වඩා සුදුසු වේ. හිස් වැසුම්, පා වැසුම් දමා තබන්න.
වියළි කාලගුණයක් පවතී නම් දරුවාට පහසු කපු රෙදි වලින් මැසූ ඇඳුම් අන්දවා තබන්න. දරුවා සෘජුවම හිරු එළියට නිරාවරණය වුවහොත් තදබල ලෙස ශරීර උෂ්ණත්වය වැඩිවිය හැක. (Hyperthermia)

02. කිරි පෙවීම

දරුවාට කිරි ලබාදීම, දිනකට (දිවා-රාත්‍රි) වාර 8 ක් හෝ ඊට වැඩියෙන් දරුවාගේ අවශ්‍යතාවය සිදුවේ. (පැය 2-3 වරක්) දරුවාට කිරි ලබාදී මිනිත්තු කිහිපයක් හෝ පැය එකහමාරකට අඩු කාලයක් තුළ නැවත කිරි බීමට පෙළඹේ නම් මවගේ කිරිදීමේ ක්‍රමයෙහි යම් වැරැද්දක් නිසා විය හැක. කිරිදෙන වාරයකදී දරුවා එම පියයුර අත්හරින තුරු කිරි ලබාදෙන්න. ඉන්පසු අවශ්‍ය නම් අනෙක් පියයුරෙන් ලබාදිය හැක. පළමු මුල් මාස 6 තුළ ජලය හෝ වෙනත් දියර වර්ග දරුවාට බීමට දීම නොකළ යුතුය.

03. දරුවා නැහැවීම (Bathing)

දරුවා නැහැවීමේදී දරුවා සීතල වීම අවම කළ යුතුය. එසේම විනාඩි පහක් වැනි කාලයක් තුළ දරුවා නැහැවීම කළ යුතුය. එසේම නිතර පිරිසිදුව හා වියළිව තැබීමට වගබලා ගන්න. දරුවා මල/මුත්‍රා පහ කළ වහාම ඒවා ඉවත් කිරීමට උනන්දු විය යුතුය.
සීතල කාලගුණයක් සහිත නම් දරුවා නැහැවීම වෙනුවට නැපියක් මද උණුසුම් ජලයෙන් පොඟවා පිස දැමීම කළ හැක. මේ සඳහා තෙත පුළුං වුවද භාවිත කළ හැක. මෙමගින් දරුවා අනවශ්‍ය ලෙස සීතල වීම/මන්දතාපයට පත්වීම (hypothermia) වළකී.

04. පෙකණියට සාත්තුව ලබාදීම (Umbilical care)

පෙකණිය විවෘතව තැබිය යුතු අතර ඖෂධ ගැල්වීම නොකළ යුතුය. උපතින් දින 4-10 කාලය තුළදී සාමාන්‍යයෙන් මෙය වැටී යයි. නැපියක් ඇන්දවීමේදී පෙකණියට පහළින් ඇන්දවිය යුතුය. මෙම පෙකණිය දරුවාට අන්දවන ඇඳුමින් වැසී තිබීම ප්‍රමාණවත් වේ. නමුත් සැරව සහිත ශ්‍රාවයක්, දුඟදක් පවතී නම් වෛද්‍ය උපදෙස් පැතිය යුතුය.

05. ඇස්වලට සාත්තුව (Eye care)

සමහර දරුවන්ගේ ඇස්වලින් කඳුළු ගැලීම, ශ්‍රාවයන් ගැලීම නාස ආශ්‍රිත පූනාල අවහර වීම නිසා සිදුවේ. මෙහිදී මවගේ ඇඟිල්ලක් (මැඳගිල්ල/වෙඳගිල්ල) ඉතා මෘදු ලෙස පහළට සම්බාහනය කිරීම කළ හැක. මෙය දිනකට දෙවරක් එක්වරකට සම්බාහන වාර 10 බැගින් කළ යුතුය. වෛද්‍ය උපදෙස්වලින් තොරව කිසිම ඖෂධයක් ඇස්වලට නොදැමිය යුතුය.

06. ප්‍රතිශක්තිකරණය

BCG එන්නත දරුවා රෝහලින් පිටවීමට පෙර ලබාදේ. උපතින් පැය 24 තුළ ඊක්‍ඨ එන්නත ලබාදීම වඩාත් යෝග්‍ය වේ. එය ලබාදුන් විට එම ස්ථානයේ සති 3-4 පසු පැසවා කැළලක් ඇතිවිය යුතුය. එම ස්ථානයේ කැළලක් ඇති නොවුනි නම් දෙවන මාත්‍රාව මාස 6 කින් පසුව ලබාදිය හැක.

අලුත උපන් දරුවා රෝහල් ගත කළ යුතු හෝ වෛද්‍ය උපදෙස් පැතිය යුතු තත්ත්ව හඳුනා ගනිමු. මේවා අනතුරු සංඥා ලෙස(danger sign) හඳුන්වයි.

රෝහලේ සිට දරුවා නිවසට ගෙන ගිය පසු දරුවා නිවසට ගෙන ආ බව තම ප්‍රදේශයේ පවුල් සෞඛ්‍ය නිලධාරිනියට දැන්විය යුතුය. දරුවා නිවසට ගෙන ආ මුල් දින 3 ඇතුළත ඇය පැමිණිය යුතු වේ. දෙවන පැමිණීම මුල් දින 10 තුළදී ද, ඉන්පසු දින 15-21 අතර නැවත වතාවක් ද ඇය පැමිණ දරුවා නිරීක්‍ෂණය කර අවශ්‍ය උපදෙස් දරුවාට දිය යුතු වේ.

සෑම දරුවෙකුගේම වර්ධනය හා සංවර්ධනය ඇගයීම, කලින් රෝග හඳුනාගැනීම හා රෝග පාලනය සෞඛ්‍ය අධ්‍යාපනය යන සියලු අවශ්‍යතා ක්‍ෂේත්‍රය තුළ ඇති ළමා සායන මගින් සිදු වේ. අලුත උපන් දරුවා වෛද්‍යවරයෙකු ලවා පරීක්‍ෂා කරවා ගැනීම සති 4-5 තුළදී සිදුවිය යුතුය.

මෙම ලිපිය සැකසීමේදී සිය දැනුම් නොමසුරුව ලබා දුන් කුරුණෑගල පළාත් මහ රෝහලේ විශේෂ ප්‍රතිකාර ළදරු ඒකකයේ පළමු ශ්‍රේණියේ සූතිකා පුහුණු හෙද නිළධාරිනී ක්‍රිශාන්ති ගංගා කුමාරිහාමි මහත්මිය දැක්වූ සහයෝගයට familylife.lk අපගේ ස්තුතිය මෙසේ පළකරමු.

ඔබ වැනිම දැනුම අවැසි තවත් කෙනෙකු දැනුවත් කිරීම සඳහා පහත ඇති මාධ්‍ය ඔස්සේ මෙම ලිපිය ෂෙයා කිරීමට අමතක නොකරන්න.

The post උපතින් පසු දරුවා නිවසට රැගෙන යාමේදී ඔබ දැනගත යුතු දෑ appeared first on familylife.

විශේෂ අවධානය වැඩිමල් දරුවා වෙත යොමු කරවන්න

පුංචි කිරි කැටියෙක් නිවසට ආවම හැමෝගෙම අවධානය ආදරය නිරායාසයෙන්ම හිමි වෙන්නේ මේ අලුත් අමුත්තට. දෙමාපියන් වගේම අලුත උපන් බබා බලන්න එන අමුත්තොත් දැනගන්න වැඩිමල් දරුවාට විශේෂ අවධානය ලබා දෙන්න.

ඔහු හෝ ඇය වෙනුවෙනුත් යමක් ගෙන යන්න. ගෙදරට එන අමුත්තන්ට ඒ බව අමතක නම් දෙවරක් නොසිතා මව හෝ පියා වන ඔබ අමුත්තන්ගේ විශේෂ අවධානය වැඩිමල් දරුවා වෙත යොමු කරවන්න.

දෙවන දරුවා නොආවා නම්…

දෙවන දරුවා එන විට කාගේත් අවධානය, ආදරය දිනාගත් වැඩිමලා අවධානයෙන් ගිලිහෙන්නේ කාටවත් නොදැනිමයි. අපි කවුරුත් සාපේක්ෂව හිතන්න පුරුදු වෙලා ඉන්න නිසාදෝ “එයා දැන් ඉතින් ලොකුයිනෙ” යන සිතුවිල්ල සමගම මෙතෙක් දරුවට ලද සැලකිලි අහිමි වෙනවා.

දෙවන දරුවා නොආවා නම් තවමත් ඔබේ ලොකු දරුවා ඔබට පොඩි දරුවාම නොවේද? එනිසා ඔබේ අලුත් සිඟිත්තා හා සංසන්දනය කරමින් ලොකු දරුවා වැඩිහිටියෙක් කරන්නට උත්සහ නොකරන්න.

ආදරය අහිමි වෙනවට කවුද කැමති ?

වැඩිහිටියෝ වුණු අපිටත් ආදරයක වෙනසක් දරාගන්නට බැරි නම් මේ ලඳ බොළඳ දරුවෝ කොහොමද තමන්ට විතරක්ම හිමි වුණු ආදරේ බෙදිලා යනවා බලා ඉන්නේ. දෙමාපියෝ තමන්ගේ දරුවන්ට අසීමිතව ආදරෙයි. ඒත් අලුත ආපු දරුවට දක්වන සැලකිල්ල එක්ක වැඩිමල් දරුවෝ තමන්ට ආදරේ අහිමි වෙනවා කියලා හිතන එක සාමාන්‍ය දෙයක්.

අලුත් සිඟිත්තාට ඔබ නොසිතා දෙන හාදුවකට, වචනයකට, බැල්මකට පවා වැඩිමලාගේ පූර්ණ අවධානය යොමු වී ඇති බව අමතක කරන්නට එපා. වැඩිමල් දරුවා ගැන වැඩිපුර හිතන්නට වගේම ඔහු/ඇය වෙනුවෙන් වැඩි කාලයක් වෙන් කරන්නත් අමතක කරන්න එපා.

වාරණ දැමීමට පෙර දෙවරක් සිතන්න

තවත් දරුවෙක් ඉන්නකොට අම්මගේ වැඩ රාජකාරි දෙගුණ වෙනවා. ඔන්න දැන් ඉතින් අම්මගේ වාරණ ලොක්කට වැටෙන්න පටන් ගන්නවා.

“හා හා මල්ලි නිදි කෑගහන්න එපා”
“ආ… ආ… ඕක මල්ලිගේ ක්‍රීම් එක”

තම නිදහස, අයිතීන්, ආදරය, අවධානය අඩු වූ බවට මුල්ම ඉඟිය වැඩිමලාට දැනෙන්නේ අපිට නොදැනීමයි. ඉතින් ලොකු දරුවා පොඩි දරුවා සමග ගැටුම ආරම්භ වෙනවා. අලුත් සිඟිත්තා මුල් කර වැඩිමල් දරුවාගේ නිදහස සීමා කිරීමට පෙර දෙවරක් සිතන්න.

තරවටු කරන්නට ගියොත් නම් තත්ත්වය බරපතලයි

කොයිතරම් අපි වෙනසක් නොකළත් පුංචිම වැරැද්දක් හරි අල්ලගන්න දරුවෝ හපන්නු. ඔන්න ඔය වෙලාවට අලුත් නංගියට මල්ලියට අක්කගේ හෝ අයියගේ කෙනිත්තිල්ලකට, පහර දීමකට ලක්වෙන්න සිද්ධ වෙනවා. ඒත් ඉතිං ඒකට වැඩිමල් දරුවාට තරවටු කළොත් නම් තත්ත්වය බරපතල වෙන්නට පු`ඵවන්. හොඳම දේ චාටුවෙන් එවැනි ක්‍රියා නොකිරීමට පොළඹවා ගන්න.

“නංගි අයියට ආදරෙයිලු… ඒක නිසා රිද්දන්නේ නැතිව ඉමු නේද පුතේ”
“නංගී එහෙම කිව්වද?”
“ඔව් එයා ආවෙත් ඔයා නිසා”
“හා මම ආයේ රිද්දන්නේ නැහැ”

වැඩිමල් දරුවාගෙන් අවසරයක් ගන්න

අම්මාට අලුත් සිඟිත්තා ළඟ වැඩි කාලයක් ඉන්න සිද්ධ වෙනවා. කිරි දෙන්න, තෙමුණු ඇඳුම් ඉවත් කරන්න, පැටියව පිරිසිදු කරන්න වගේ පුංචි වැඩ මහ ගොඩයි. මවක් වන ඔබ සූක්ෂම විය යුතුයි. හැකි සෑම විටම වැඩිමල් දරුවාගේ කැමැත්ත ලබා ගෙන සිඟිත්තාගේ වැඩ කටයුතු කරන්න.

ඔයාගේ මල්ලි පැටියට බඩගිනි වෙලා, කුක්කු ටිකක් දෙමුද ? සෑම විටම සිඟිත්තා වැඩිමල් දරුවාගේම බව හඟවමින් ආමන්ත්‍රණය ඔබට ප්‍රයෝජනයක් වනු ඇත.

ඔබේ වැඩිමල් දරුවාව, ඇස්මානයේම තබාගෙන වගකීම් පවරන්න. නංගී/මල්ලි බලාගන්නට, අඳුම්පැළදුම් තෝරන්න වගේම දවසට එක්වරක් හරි නංගි/මල්ලි උකුලේ තියාගෙන හුරතල් කරන්න, ආදරේ කරන්න කියාදෙන්න. මෙවැනි දේ හරහා වැඩිමල් දරුවා මානසික වශයෙන් තනි වීම, දුක් වීම මගහරවා ගන්නට උත්සාහ කරන්න.

ඔබ වැනිම දැනුම අවැසි තවත් කෙනෙකු දැනුවත් කිරීම සඳහා පහත ඇති මාධ්‍ය ඔස්සේ මෙම ලිපිය ෂෙයා කිරීමට අමතක නොකරන්න.

The post පොඩ්ඩා ගෙනා දවසේ ඉඳලා ලොක්කට විශේෂ අවධානය අවශ්‍යමයි. appeared first on familylife.

එසේම සති 40 සම්පූර්ණ වී බිහිවන දරුවන් (Mature Baby) මෙන්ම අඩුමාස වලින් බිහිවන දරුවන්ද (Premature Baby) සිටින අතර ඔවුන් පිළිබඳව ඉදිරියේදී සාකච්ඡා කිරීමට බලාපොරොත්තු වෙමු.

01. පියයුරු විශාල වීම (mastitis neonatorum)

ගැහැනු හා පිරිමි දරුවන්ගේ උපතින් දින 3-5 කාලය තුළදී පියයුරුවල විශාල වීමක් දැකිය හැක. එම තත්ත්ව සතියක් වුවද පැවතිය හැක. මෙය එසේ දිගටම පවතින්නේ මවගෙන් ලද හෝමෝන නිසා විය හැක. අතීතයේ මෙම තත්ත්වයන් ඉවත් කිරීමට තැවීම, මිරිකා හැරීම් සිදු කරන ලදී. නමුත් තැවීම්, මිරිකා හැරීම, පොඩි කිරීම නොකළ යුතු බව තරයේ සිහිතබාගත යුතුය. එසේ මිරිකා හැරීමෙන් දරුවාට අසාදන තත්ත්වයන් ඇතිවිය හැක.

02. යෝනි රුධිර වහනය (vaginal bleeding)

උපතින් දින 3-5 පසු අලුත උපන් ගැහැනු දරුවාගේ යෝනි මාර්ගයේ රුධිරය මිශ්‍ර ශ්‍රාවයක් පිටවිය හැක. මෙසේ සිදුවන්නේ මවගේ හෝමෝන ඒ වන විටද අඩු වෙමින් දරුවාගේ ශරීරය තුළ පවතින නිසා වේ. එසේ බොහෝ ගැහැනු දරුවන්ගේ අළු පැහැ මිශ්‍ර ශ්ලේෂ්මල ශ්‍රාවයක් වුවද පැවතිය හැක.

03. ශරීරය පුරා රතු පැහැ බිබිලි ඇතිවීම (Erythema toxicum)

සති ගණන සම්පූර්ණ වී (term baby) බිහි වූ ළදරුවාගේ උපතින් දින 2,3 පසු ශරීරය පුරා රතු පැහැති කුඩා බිබිලි (macules) දැකිය හැක. මෙම තත්ත්වය මුහුණේ සිට සිරුර දක්වා ද එතැනින් අත් පා දක්වා ද පැය 24 ක් තුළදී පැතිර යයි. මෙම තත්ත්වය දින 2-3 විශේෂ ප්‍රතිකාරයක් නොමැතිව නැතිවී යයි. නමුත් එම බිබිලි කහ පැහැති නම්, සැරව සහිත නම් (pustules) එයට ප්‍රතිකාර අවශ්‍ය බැවින් වෛද්‍යවරයෙකු ලවා පරීක්‍ෂා කරගත යුතු වේ.

04. කිරි වමනය කිරීම

දරුවාට මව විසින් කිරි ලබාදීමේදී එම කිරිදීමේ ක්‍රමයේ යම් වැරැද්දක් නිසා යම් කිරි ප්‍රමාණයක් වමනය කළ හැක. වැරදි ආකාරයට කිරි පෙවීමෙන් දරුවා කිරි බීමත් සමග වාතය යම් ප්‍රමාණයක් ඇතුළු විය හැක. එම වාතය ඉහළට (උගුරට) ඒමේදී (Regurgitation) කිරි ප්‍රමාණයක් පිටතට පැමිණිය හැක.

එම කිරි පිටතට පැමිණීමේදී කිරි වමනය ඇති විය හැක. එය දරුවාට අනතුරුදායක බැවින් කිරි පෙවීමෙන් පසු ගුඩුස් යැවීම (burping) ඉතා වැදගත් බව මව දැනගත යුතුය. මෙය නියම ආකාරයෙන් කළ යුතු අතර රෝහලේ සිටින කාලයේ හෝ ක්‍ෂේත්‍රයේදී සූතිකා පුහුණු හෙදියකගෙන්/පවුල් සෞඛ්‍ය සේවා නිලධාරිනියක් මගින් ඉගැන්වීම සිදු කරයි. කිරි දීමෙන් පසු ගුඩුස් යැවීම මගින් මෙම තත්ත්ව වළක්වා ගත හැක.

කිරි දීමෙන් පසු දරුවා පැත්තකට හරවා හෝ මුනින්තලා ස්ථාපිතයේ (මුහුණ පැත්තට හරවා තැබීම) තැබීම ආරක්‍ෂාකාරී වේ.
නමුත් දරුවා දිගටම වමනය කරයි නම් එය වේගයෙන් ඈතට විදින ලෙස සිදු කරයි නම් (projectile vomiting) පිත මිශ්‍ර කහපාට වමනය නම් වෛද්‍යවරයෙකු ලවා පරීක්‍ෂා කරගත යුතුය.

05. මුත්‍රා පහ කිරීම

උපතින් දින 1-4 දක්වා කාලය තුළදී අඩුම තරමින් දිනකට වාර 4-5 ප්‍රමාණයක්වත් මුත්‍රා පිටවිය යුතුය. ප්‍රමාණවත් ලෙස කිරි පෙවුණේ නම් මුත්‍රා පිටවීමේ වාර ගණන 6-7 දක්වා වැඩිවේ. දරුවෙකු මුත්‍රා පිටකිරීමේ වාර ගණන අඩු වුණි නම් (දිනකට 1-2) කිරි පෙවීමේ අඩුවක් වී ඇති බවට එක් සාක්‍ෂියක් වේ. (වෙනත් හේතු නිසාද මුත්‍රා පිටවීම අඩුවිය හැක) එම තත්ත්වය දිගටම පවතී නම් වහාම දරුවා වෛද්‍යවරයෙකුට පෙන්වා ගැනීම කළ යුතුය.

06. මල පිටවීම

දරුවා මුලින්ම පිටකරන කලු පැහැ මල මිකෝනියම් (Meconium) ලෙස හඳුන්වයි. මෙය කලු කොළ පැහැති තාර වැනි ඇලෙන සුලු ද්‍රව්‍යයකි. ඉපදී මුල් පැය 48 තුළදී මෙවැනි ආකාරයේ මල පිටවේ. ඉපදී දින 3-4 ගත වූ පසු සාමාන්‍ය ලෙස මල පිටවේ. පිටවන වාර ගණන වැඩිවන අතර කහ පැහැති දියාරු මල දැකිය හැක. උපතින් පසු මල පිටවීම ප්‍රමාද නම් ඉන් හැඟෙන්නේ දරුවාට ප්‍රමාණවත් තරම් කිරි පෙවී නොමැති බවය. හොඳින් කිරි පෙවුණු පසු දරුවා කහ පැහැති, ඇලෙන සුලු අධි ඝන මල පිටකරනු ලබයි.
එසේම බොහෝ දරුවන් මල පිටකිරීම කිරිදෙන අතරතුරදි හෝ කිරිදුන් වහාම සිදුකරයි. මෙය සති 2-3 ක් පැවතිය හැක. එසේම සමහර දරුවන්ට ලබාදෙන වාර ගණන වැඩි වූ විටද මල දියර ස්වභාවයෙන් පිටවේ. නමුත් මෙය පාචන තත්ත්වයක් නොවේ. එසේම සමහර දරුවන් දින කිහිපයකට වරක් මල පිටකරන අවස්ථා ද ඇත. එය මල බද්ධය ලෙස නොසලකයි. හොඳින් කිරි බොන දරුවන් පහසුවෙන් මල පිටකරනු දැකිය හැක.

07. අධික ලෙස හැඬීම (Excessive crying)

ඉපදී මුල් දින කිහිපය තුළ දරුවා දවල් කාලය පුරාවට නිදාගන්නා අතර රාත්‍රී කාලයේ හැඬීම කරයි. නමුත් ඒ හැම අවස්ථාවකදීම දරුවා හඬන්නේ බඩගින්න නිසාම නොවේ. වෙනත් අපහසුතාවයන් (මුත්‍රා පහකිරීම, මල පිට කිරීම, සීතල වීම) නිසා විය හැක. සමහරවිට මුත්‍රා පිටකිරීමට මුත්‍රාශය පිරීම දැනීම නිසා දරුවාට අපහසුතාවයක් දැනෙනවා විය හැක. සමහරවිට මල පිටකිරීමේදී ඒවා ඝනව පවතින විටද වේදනාවක් ඇතිවිය හැක. දිගටම හැඬීම පවතී නම් දරුවා පරීක්‍ෂා කරවා ගත යුතු වේ.

මෙම ලිපිය සැකසීමේදී සිය දැනුම් නොමසුරුව ලබා දුන් කුරුණෑගල පළාත් මහ රෝහලේ විශේෂ ප්‍රතිකාර ළදරු ඒකකයේ පළමු ශ්‍රේණියේ සූතිකා පුහුණු හෙද නිළධාරිනී ක්‍රිශාන්ති ගංගා කුමාරිහාමි මහත්මිය දැක්වූ සහයෝගයට familylife.lk අපගේ ස්තුතිය මෙසේ පළකරමු.

ඔබ වැනිම දැනුම අවැසි තවත් කෙනෙකු දැනුවත් කිරීම සඳහා පහත ඇති මාධ්‍ය ඔස්සේ මෙම ලිපිය ෂෙයා කිරීමට අමතක නොකරන්න.

The post අලුත උපන් බිළිඳා ගැන ඔබ දැනගත යුතුම කාරණා 7 ක් නොවරදවාම කියවන්න appeared first on familylife.

ඔබ වැනිම දැනුම අවැසි තවත් කෙනෙකු දැනුවත් කිරීම සඳහා පහත ඇති මාධ්‍ය ඔස්සේ මෙම සුව හමුව වීඩියෝව ෂෙයා කිරීමට අමතක නොකරන්න.

The post ඔටිසම් රෝගය – දරුවන්ගේ අධ්‍යාපනික ගැටළු හා ඒ ආශ්‍රිත විසඳුම් appeared first on familylife.

The post සුව හමුව – 2 . ඔටිසම් දරුවන්ගේ අවධාන පරාසය අඩුවීම හා අධි ක්‍රියාකාරිත්වය appeared first on familylife.