කුස තුල දරුවා නිරෝගීව වැඩෙනු දැකීමත් කරදරයකින් තොරව ප්‍රසවය සිදුවී නිරෝගී දරුවෙක් බිහි කිරීමත් සැම  ගර්භිනියකගේම අපේක්ෂාවයි. දරුවාගේ පෝෂණය සම්පුර්ණයෙන් රඳා පවතින්නේ මවගේ රුධිරයෙන් සැපයෙන පෝෂ්‍ය පදාර්ථ මතයි. සමබර පෝෂ්‍යදායි ආහාර ගැනීම දරුවාගේ වැඩීමට මෙන්ම මවගේ සෞඛ්‍ය ආරක්ෂා වීමට ද ඉවහල් වෙනවා.

ගර්භයේ මාස ගණනට අනුරූපව ආහාරයට ගත යුතු දේවල්

ගැබිණිය ගන්න ආහාරයෙන් ඇති වන රස ධාතුව ප්‍රධානව කොටස් 3කට බෙදී ක්‍රියා කරනවා.

1. ගර්භිණියගේ පෝෂණයට
2. ගර්භයේ පෝෂණයට
3. මවුකිරි සඳහා පියයුරු සුදානම් කිරීමට.

මව් කුස තුල සිටින දරුවා පූර්ණ පරපෝෂිතයෙකු ලෙස තමන්ට අවශ්‍ය සියළු දේවල් මවගෙන් ලබා ගන්න නිසා මව මනා පෝෂණයක් ලබා ගත යුතුයි.

මුල් මාස 3 බොහෝ විට උදෑසන වමනයෙන් ආහාර කොටස් ඉවත් වී යාම, කැම අරුචිය ආදිය ඇති වන නිසා එහිදී සිදු වන අඩුව පිරවීමටත්, මුල් මාස 3 දී කළලයේ අවයව නිර්මාණය වීම ආරම්භ වන නිසා ඊට අදාළ පෝෂක බාහිරෙන් ලබා දෙන්න අවශ්‍යයි.

ඒ සඳහා ආයුර්වේදයේ විස්තර වෙන ආහාර වර්ග මෙසේ යි.

පළමු දින 12 තුළ

• ගිතෙල් ,
• මධුර රස , ශීත, ද්‍රව සහිත ආහාර

මුල් මාසය තුළ 

• එළකිරි
• මධුර රස, ශීත, ද්‍රව බහුල ආහාර වර්ග

දෙවන වන මාසය තුළ

• එළකිරි
• මධුර රස, ශීත ද්‍රව බහුල ආහාර

තෙවන වන මාසය තුළ

• මී පැණි
• ගිතෙල් දැමු එළකිරි
• මධුර රස, ශීත, ද්‍රව බහුල ආහාර – තැඹිලි වතුර, පිපිඥ්ඥා, කැකිරි, පැණි කොමඩු, වට්ටක්කා, පතෝල
• හැටදා හාලින් කල කිරිබත්

ඊලග මාස 3 දී එනම් 4, 5, 6 මාස වල කළලයේ ශීඝ්‍ර වර්ධනයක් සිදු වෙනවා. දරුවාගේ අංග ජනනය අවසන් වෙලා මාංශමය වර්ධනයක් ඇති වී බර වැඩි වීම ආරම්භවෙන්නේ මේ කාලයේදී යි. මේ කාලයේදී නෙල්ලි, රසකිඳ, ඉරමුසු, හාතාවාරිය බහුලව ගැනීම වැදගත්.

එතනින් පසුව එළඹෙන මාසයන්හිදී කලලයේ අවශ්‍යතාවන් වෙනස්. ඒ වෙනුවෙන් ගතයුතු ආහාර වර්ගත් මේ නිසා වෙනස් වෙනවා. එම ආහාර වර්ග පහත ආකාරයට පෙළ ගස්වන්න පුළුවන්.

හතර වන වන මාසයෙදි හෘදයට හිතකර ද්‍රව්‍ය ගැනීම සුදුසුයි.

• දෙළුම්, නාරං, ගිතෙල්, නෙල්ලි, නස් නාර
• හැටදා හාල් බත්
•  දී කිරි
• එළකිරි 
• වෙඩරු ( චීස් )
• නවනීත ( බටර් )
• කුකුල් මස්, එළු මස්

පස් වන මාසය – එළකිරි මිශ්‍ර ආහාර

• කිරි
• එළගිතෙල් මිශ්‍ර ආහාර

හය වන මාසය – ගිතෙල්

•  එළකිරි

හත් වන මාසය – පැණි රස ද්‍රව්‍ය සමග පිසූ ගිතෙල්

•  බටර්
• එළකිරි
• ගිතෙල්

අට වන මාසය – කිරි, ගිතෙල්, හාල් යොදා පිලියල කරන ලද ආහාර

• කුකුල් මස් ආදියෙන් කරන ලද ආහාර

නම වන මාසය – ගිතෙල් පානය

• කුකුල් මස් සුප්

ගර්භනී සමයේදී වඩා වැදගත් වන්නේ සමබල ආහාර ගැනීමයි.  ඉහත දක්වා ඇති ආහාර පමණක් ගත යුතු යැයි කෙනෙක්ට වැරදි වැටහීමක් ඇති වෙන්න පුළුවන්. නමුත් එසේ දක්වා ඇත්තේ විශේෂයෙන් තම ආහාර වේල් වලට එකතු කරගත යුතු ආහාර වර්ගයි.

සියළු මවු සිහිනය ලිපි සඳහා පිවිසෙන්න

ඔබ වැනිම දැනුම අවැසි තවත් කෙනෙකු දැනුවත් කිරීම සඳහා පහත ඇති මාධ්‍ය ඔස්සේ මෙම ලිපිය ෂෙයා කිරීමට අමතක නොකරන්න.

The post ගර්භනී සමයේ ආහාර සඳහා ආයුර්වේදයෙන් උපදෙස් appeared first on familylife.

විවාහ විය යුත්තේ කුමන වයසේදීද?

විවාහ වීම සඳහා පුරුෂයින්ට සුදුසුම වයස ලෙස දක්වා ඇත්තේ අවුරුදු 25 යි. ප්‍රජනක ඉන්ද්‍රියන් හොඳින් වර්ධනය වී ඇති සහ  පුර්ණ ධාතු පරිණතියට පත්ව ඉතා හොඳ බිජ පිට කිරීමට හැකි වයසක් ලෙස අවුරුදු 25 සඳහන් වේ. වයස අවුරුදු 16 වන තෙක් කාන්තාවන් විවාහ වීමට නුසුදුසු ලෙස ආයුර්වේදයේ සැලකෙනවා.

නිරෝගී දරු උපතක් සැලසුම් කරන කාන්තාවක් තමා සතුව වර්ධනය කර ගත යුතු ලක්ෂණ

• මනා ශරීර සෞඛ්‍යයක් පැවතීම. ඇස්, කන්, නාස්, පියයුරු, ආදිය අංග සම්පුර්ණව පිහිටා ඇති අය වඩාත් නිරෝගී දරු උපත් සිදු කරන බවට සඳහන් වෙනවා.
• ඉතා ප්‍රියජනක, විනීත ගති පැවතුම් වලින් යුක්ත වීම වැදගත්.
• කිසිදු සමාජ රෝගයකින් නොපෙලිමත් නිරෝගී දරු උපතකට වැදගත්.

ගර්භයක් බලාපොරොත්තු වන කාන්තාවක් ඔසප් වීමෙන් පසු කටයුතු කළ යුතු ආකාරය.

• ආයුර්වේදයේ සඳහන් වන ආකාරයට මාස් ශුද්ධියෙන් පසු ස්ත්‍රියක් ස්නානය කර පිරිසිදුව සුදු පැහැති වස්ත්‍රාභරණ දරා ආගමික වතාවත් වල නිරත වීමෙන් දරු පල හටගැනීමේ හැකියාව වැඩිදියුණු කෙරෙනවා.
• එසේ පිරිසිදු වූ ස්ත්‍රියක් තමා නිතර සිහිපත් කරන තැනැත්තාගේ ලක්ෂණ සහිත වූ දරුවන් බිහිවන බවද දක්වා තිබෙනවා.
• සැමවිටම සැහැල්ලු සිතින් යුක්ත වීමත් වැදගත්. ආශාවන් ඇති කර ගැනීමේදී කල්පනාකාරීව සමබර ආශාවන් ඇති කරගැනීම වැදගත්.
• සන්ධ්‍යා කාලයේ ස්නානය සහ ලිංගික ක්‍රියාව නිරෝගී දරු උපත් සඳහා සුදුසු නොවන බව සඳහන් වෙනවා.

• සන්ධ්‍යා කාලය
• උත්සව ඇති දින වල
• උදේ පාන්දර
• මධ්‍යම රාත්‍රී
• මධ්‍යහ්නය
• නොගැලපෙන ස්ථාන වල
• අපිරිසිදු සහ විවෘත ස්ථාන වල
• අධික කුසගින්නේ හෝ පිපාසයෙන් සිටින අවස්ථාවන් වල
• අධිකව ආහාර ගත් විට
• අධික බිය, ශෝකය හෝ සන්ත්‍රාසය ඇති විට
• දිගු කලක් රෝගාතුරව සිට ශරීර සෞඛ්‍යය යථා තත්වයට පත්ව නොමැති අවස්ථාවන් හි
• පාලනය කර නොගත් දීර්ඝ කාලින රෝග තිබෙන විට
• කුෂ්ට වැනි පිළිකුල දනවන රෝග ඇති විට.

• උපදින දරුවා ගැහැණු දරුවෙක්ද, පිරිමි දරුවෙක්ද කියන ගැටලුව කලලයට යම් වයසක් යනතුරු සාමාන්‍ය ස්කෑන් පරීක්ෂණයකින් පවා හඳුනාගන්න අපහසුයි. නමුත් පෙර සැලසුම් කිරීමෙන් තමාට අවශ්‍ය ලිංගයක දරුවෙක් බිහිකරගැනීමට යම් උපදෙස් ආයුර්වේදයේ සඳහන් වනවා.
• පිරිමි දරුවකු බලාපොරොත්තු වන්නේ නම් මෛථුන්‍යය කලයුත්තේ ඔසප් චක්‍රයේ ශුද්ධ වීම අවසන්ව ස්නානයෙන් පසු එළඹෙන ඉරට්ටේ දින වලදී යි. ඔත්තේ දින වලදී මෛථුන්‍යය සිදු කළහොත් ගැහැණු දරුවකු පිළිසිඳ ගැනීමට වැඩි අවස්ථාවක් ඇත. එයට හේතුව ලෙස දැක්වෙන්නේ ශුද්ධිය අවසන්ව එළඹෙන ඉරට්ටේ දින වලදී ස්ත්‍රී ධාතු බලවත් වීම යි.
• තමන් කැමති ලිංගයක දරුවකු බිහිකර ගැනීම වෙනුවෙන් අවශ්‍ය කරන ඖෂධ පිලිබඳ ආයුර්වේදයේ දීර්ඝව සඳහන් වෙනවා. ඒ සම්බන්ධව ප්‍රවීන  ආයුර්වේද වෛද්‍යවරයකු මුණගැසීමෙන් ඔබට වැඩි පුර උපදෙස් ලබා ගන්න පුළුවන්.

බලන්න ආයුර්වේදීය සත්කාරයක් ගැන ලියවුනු මේ ලිපියත් ඔබට වැදගත් නේද කියල…

ප්‍රසූතියෙන් පසු ඔබව සුවපත් කරන ඖෂධීය පානය “කායම් හොද්ද”

තවත් ලිපි කියවන්න මුල් පිටුවට පිවිසෙන්න

ඔබ වැනිම දැනුම අවැසි තවත් කෙනෙකු දැනුවත් කිරීම සඳහා පහත ඇති මාධ්‍ය ඔස්සේ මෙම ලිපිය ෂෙයා කිරීමට අමතක නොකරන්න.

The post ආයුර්වේදයට අනුව නිරෝගී දරු උපතක් සැලසුම් කිරීම appeared first on familylife.